Kiraŭnik Administracyi prezidenta Biełarusi Uładzimir Makiej adznačaje dublavańnie i praźmiernaść nakładaŭ mnohich drukavanych ŚMI.
Pra heta jon zajaviŭ siońnia na respublikanskim sieminary‑naradzie «Sistema ideałahičnaj pracy ŭ Respublicy Biełaruś: sučasny stan i pierśpiektyvy raźvićcia».
«U halinie drukavanych ŚMI nam treba zrabić i źmianić vielmi mnohaje.
Užo siońnia całkam vidavočna dublavańnie mnohich drukavanych vydańniaŭ, ich praźmiernyja nakłady,
jakija časta padtrymlivajucca štučnaj administracyjnaj padpiskaj … Dumaju, što ŭ najbližejšy čas nam treba budzie vyzvalicca ad mnohich drukavanych vydańniaŭ,
pierš za ŭsio viedamasnych, prybrać dublavańnie haziet u rehijonach — słovam, pryvieści ahulny abjom vydadzienych haziet i časopisaŭ da realnych patrebaŭ čytackaj aŭdytoryi», — skazaŭ Uładzimir Makiej.
Pa jaho słovach, heta nie aznačaje, što dziaržava admovicca ad padtrymki vydańniaŭ, bo drukavanyja ŚMI dla značnaj častki nasielnictva pa‑raniejšamu źjaŭlajucca najvažniejšym krynicaj infarmacyi. Tamu i finansavaja, i arhanizacyjnaja dapamoha budzie akazvacca,
adnak nie biaskonca.
«Haziety i časopisy pavinny stanavicca kankurentazdolnymi, a padpiska na ich — pakazčykam realnaha aŭtarytetu vydańnia, pa jakim možna mierkavać ab jaho papularnaści», — padkreśliŭ kiraŭnik Administracyi.
Asablivuju ŭvahu Uładzimir Makiej nadaŭ miascovaj presie. «Jana zapatrabavana ludźmi, ale heta nie nahoda dla samazaspakajeńnia, bo jaje zapatrabavanaść daloka nie zaŭsiody źviazana ź jakasnym i cikavym napaŭnieńniem. Toje, što našy dziaržaŭnyja haziety nie zaŭsiody ŭpeŭniena zajmajuć nišu miascovaha druku, vidać z taho, što ŭ mnohich haradach i rajonach paśpiachova vydajucca pryvatnyja haziety, jakija nie majuć ni biudžetnaj padpitki, ni administracyjnaha resursu ŭ častcy padpiski. Niekatoryja ź ich zajmajuć adkrytuju antydziaržaŭnuju pazicyju.
Važna zrabić tak, kab našy haziety pieramahali ŭ vostraj kankurentnaj baraćbie za čytača», — skazaŭ jon.
Kiraŭnik prezidenckaj Administracyi taksama paviedamiŭ, što tema ŚMI ŭ bližejšy čas budzie abmiarkoŭvacca na naradzie ŭ kiraŭnika dziaržavy.
