U Mahilovie ŭ rajonie Facina, dzie 23 sakavika znajšli rasčlenieny (raździeleny) trup žančyny, znojdziena jašče adno razrezanaje na kavałki cieła. Abiedźvie kryminalnyja spravy ŭžo abjadnanyja ŭ adnu vytvorčaść, pieradaje teleradyjokampanija «Mahiloŭ».
Nahadajem, 23 sakavika hetaha hoda ŭ Mahilovie ŭ rajonie aŭtamabilnaj raźviazki praz Dniapro pablizu vulicy Facina byŭ znojdzieny rasčlenieny trup žančyny. Jak stała viadoma paźniej, achviaraj stała 35-hadovaja mahilaŭčanka, što złoŭžyvała śpirtnymi napojami dy jakaja była pazbaŭlena baćkoŭskich pravoŭ.
Cieła było litaralna vypatrašana, kroŭ vypuščanaja, adsutničała hałava, ruki i nohi. Paźniej milicejskija sabaki znajšli i ich – jany byli adsiečanyja pa sustavy.
Pavodle słovaŭ rabotnikaŭ UUS Mahiloŭskaha abłvykankama, zabojstva nie było padobna na bytavoje – vielmi prafiesijna zabojca «apracavaŭ» cieły. Da taho ž cieła nie ŭtapili ŭ Dniapry, a pakinuli la prajeznaj častki, niby zabojca chacieŭ pachvalicca svajoj pracaj.
Vyjaŭleńnie druhoha trupa pakul nie kamientujuć, kab nie stvarać paniku.
Adnak internet užo strakacić paviedamleńniami pra «facinskaha mańjaka», a Mahiloŭ napoŭnieny čutkami pra toje, što trupaŭ na samoj spravie značna bolš.
Heta pieršaje padobnaje złačynstva ŭ Mahiloŭskaj vobłaści za apošnija 10 hadoŭ. Pa faktach abodvuch zabojstvaŭ zaviedzienyja kryminalnyja spravy pavodle artykuła «Zabojstva pry abciažarvalnych abstavinach». Artykuł praduhledžvaje da 25 hadoŭ pazbaŭleńnia voli, pažyćciovaje źniavoleńnie abo śmiarotnaje pakarańnie.
