 |
10 krasavika ŭ amataraŭ staroha dobraha roku ciažki vybar: abo adviedać vystup Poła Dy'ana, pieršaha (ale nie apošniaha) salista krakadziłaŭ chevi-metału Iron Maiden, abo vypravicca na zubroŭ rytm-end-bluzu, hurt «Krama». Što da Poła Dy'Ana: jon 27 hadoŭ užo nie z Iron Maiden (jaho zamianiŭ Brus Dykinsan), ale pasłuchać, zmachnuŭšy ślazu zamiłavańnia, kłasičnyja chity ciažkaha mietała: I'm running free i Remember Tomorrow ŭ pieršapačatkovym vykanańni całkam varta. Westworld Club (Ctaražoŭskaja, 15A). Cana kvitkoŭ: ad 60 da 90 tys.
 |
Što da Varaškieviča, dyk u adroźnieńnie ad Iron Maiden «Krama» salista nikoli nie mianiała: i tamu 10 krasavika možna budzie pačuć uvieś kramaŭski repiertuar: jak staroje, tak i śviežyja pieśni. Kłub «Hrafici» (zav. Kalinina 16).
 |
11 krasavika. Im mała vybaraŭ rok-kniazioŭny! Hałoŭnaj intryhaj fiestyvalu-konkursu «Vumen Fest 2010» zrobicca vyznačeńnie pieramožcaŭ u nastupnych naminacyjach:
1. Najlepšy hurt
2. Najlepšaja vakalistka
3. Sama charyzmatyčnaja i seksualnaja śpiavačka
Pieramožcu ŭ apošniaj naminacyi možacie vybrać i vy, kali zavitajecie ŭ «Moładzievy Teatr Estrady» (Maskoŭskaja, 18A).
Naminanty-vystupoŭcy: hurty «Indra», «Unija», «Harotnica», «Rostra», «Źmiaja», «Rokaš» i «Eksist-M». Pačatak a 18. Kvitki: 10-20 tys.
 |
17 krasavika — čyrvonaja data dla amataraŭ muzyki pieciarburhskich dervišaŭ. Da nas jedzie huru rasijskaha roku Barys Hrabienščykoŭ. Vykanaŭca «Pod niebom hołubym» i aŭtar «Dubrovskoho» budzie miedytavać-śpiavać pierad zbolšaha siadziačymi hledačami ŭ KZ «Minsk» pad akampaniemient svaich paplečnikaŭ z hurtu «Akvaryum». Kvitki: 40-120 tys. br.
 |
20 krasavika. Scorpions. U apošni raz pasłuchać Kłausa Majne sa sceny: pra jaho špacyr pa parku imia Horkaha (bałada Wind of Change), i pra jaho ŭpartuju baraćbu za kachańnie (Still lovin' you) možna budzie pad dacham «Minsk-Areny» (pr.Pieramožcaŭ, 111). Nahadajem, sioleta rokiery, jaki raskaturchali Bierlinski mur i kranuli miljony sercaŭ (u tym liku serca savieckaha hiensieka), abvieścili pra zakančeńnie svajoj zornaj krajery. A pierad vychadam na zasłužanuju piensiju, «Skarpy» pajechali ŭ raźvitalnaje turne pad nazovam Get Your Sting And Blackout (što ŭ pierakładzie na niamieckuju aznačaje, treba mierkavać, Auf Wiedersein).
Kvitki: ad 75 000 da 225 000 rublej, tancplac — 150 000 rublej, fan-siektar (heta la samieńkaj sceny) — 200 000.
 fota-Jura Sidun, generation.by |
23 krasavika. Kłub Reactor (Charužaj, 29). Kanciert pryśviečany vychadu kinastužki riežysiora Alaksandra Kananoviča «Dastyš Fantastyš». Z metaj adradzić ajčynnaje kino i prosta paciešyć publiku Kananovič źniaŭ ekscentryčnuju pank-bufanadu, jakaja «nie źviazanaja z tym, što tut i ciapier uvohule», a saŭndtrek paprasiŭ napisać Lavona Volskaha.
Tamu na proma-kancercie vystupić daŭniaja siabryna hurtoŭ: «Krambambula», «Dziecidziaciej», «Raźbitaje serca pacana», «Naka», a eks-JMOPC Raman Arłoŭ prezientuje svoj solny prajekt «Ŭ Nieskładovaje».
Kvitki: ad 20 da 45 tys.
