Prakuraturaj Maskoŭskaha rajona Minska zavieršana pravierka pa fakcie samazabojstva zamiežnaha studenta Biełaruskaha dziaržaŭnaha miedycynskaha univiersiteta.
Nahadajem, jon byŭ znojdzieny ŭ piatli ŭ internacie VNU 25 lutaha. U raspačynańni kryminalnaj spravy admoŭlena pa pryčynie adsutnaści asob, vinavatych u śmierci maładoha čałavieka.
Jak paviedamiŭ staršy pamočnik prakurora Minska Siarhiej Bałašoŭ, z zapiski, pakinutaj 21‑hadovym pieršakurśnikam, hramadzianinam Aŭstralii i Siryi, vynikała, što małady čałaviek raźvitvajecca z žyćciom z‑za kachańnia da dziaŭčyny, jakaja žyvie ŭ Siryi i ź jakoj rasstaŭsia niezadoŭha da trahičnych padziej.
Zapiska była napisana na anhlijskaj movie. Va univiersitecie student charaktaryzavaŭsia vyklučna sa stanoŭčaha boku, prablem z vučobaj u jaho nie było, ni z kim nie kanfliktavaŭ. Paśla hibieli maładoha čałavieka ŭ Minsk pryjazdžali jaho brat i siastra.
