Trahiedyja ŭ niebie nad Smalenskam, u jakoj zahinuŭ prezident Polščy Lech Kačyński, stała daloka nie pieršaj avijakatastrofaj z udziełam kiraŭnikoŭ dziaržaŭ.
Najbolš značnaj u suśvietnym maštabie palityčnaj fihuraj, jakaja stała achviaraj avijakatastrofy, byŭ hienieralny sakratar Arhanizacyi abjadnanych nacyj švied Dah Jalmar Ahne Karł Chamaršeld. Samalot, u jakim znachodziŭsia palityk, raźbiŭsia 18 vieraśnia 1961 hoda, kali lacieŭ u Demakratyčnuju Respubliku Konha.
U 1969 hodzie ŭ arhanizavanaj avijakatastrofie zahinuŭ prezident Balivii Rene Barjentas Artuńjo.
Prezident Ekvadora Chajmie Roldas Ahilera zahinuŭ pry niavyśvietlenych abstavinach 24 maja 1981 hoda. Pavodle čutak, byŭ ździejśnieny zamach na jaho žyćcio.
19 kastryčnika 1986 ŭ niebie na miažy PAR, Mazambika i Zimbabve paciarpieŭ katastrofu samalot z prezidentam Mazambika Samoram Mašełam na borcie. Miarkujecca, što pryčynaj katastrofy stała dyviersija paŭdniovaafrykanskich śpiecsłužb.
17 žniŭnia 1988 hoda z hrupaj supravadžajučych asobaŭ dyktatar Pakistana, hienierał Zija-ul-Chak Machamad na vajskovym samalocie vylacieŭ na vajskovuju bazu. Na advarotnym šlachu smalot upaŭ i raźbiŭsia.
Uvosień 1994 hoda ŭ rajonie Vialikich afrykanskich azioraŭ paŭstancy źbili samalot, u jakim znachodzilisia prezident Burundzi Kipryjen Natryjamira i prezident Ruandy Žuvienal Chabjarymana. Heta było vynikam zmovy, metaj jakoj było vyniščeńnie plemieni tutsi.
Pieršaja avijakatastrofa z udziełam kiraŭnika krainy na terytoryi Jeŭropy adbyłasia 26 lutaha 2004, kali zahinuŭ prezident Makiedonii Barys Trajkoŭski. Zdareńnie adbyłosia pry nadzvyčaj drennym nadvorji na terytoryi Hiercahaviny. Kiraŭnik Makiedonii lacieŭ na ekanamičnuju kanfierencyju ŭ Bośniju.
Polski prezident staŭ vośmym u trahičnym śpisie prezidentaŭ, što zahinuli ŭ vyniku avijakatastrof.
