UUS Homielskaha abłvykankama papiaredžvaje ab mahčymaj aktyvizacyi machlaroŭ padčas vybaraŭ deputataŭ miascovych savietaŭ.
Jak paviedamili ŭ pres‑słužbie ŭpraŭleńnia, złačyncy mohuć naviedvać kvatery hramadzian pad vyhladam členaŭ učastkovych kamisij i prapanoŭvać im «prahałasavać doma». Hałoŭnaj metavaj hrupaj złamyśnikaŭ źjaŭlajucca piensijaniery.
UUS nahadvaje, što daterminovaje hałasavańnie pravodzicca z 20 pa 24 krasavika tolki ŭ pamiaškańni vybarčaha ŭčastka. Pa miescy žycharstva hałasavańnie arhanizujecca tolki ŭ dzień vybaraŭ, 25 krasavika, pa piśmovaj abo vusnaj prośbie vybarščyka nie mienš jak dvuma členami ŭčastkovaj kamisii.
Za studzień—luty 2010 hoda ŭ Homielskaj vobłaści ŭčyniena 126 złačynstvaŭ u adnosinach da piensijanieraŭ, ź ich bolšaść — kradziažy. Jak praviła, złačynstvy ŭčynialisia žančynami, jakija ŭvachodzili ŭ davier da paciarpiełych. Jany nazyvalisia rabotnikami dziaržaŭnych słužb i ŭstanoŭ. Tak, 17 krasavika ŭ Chojnickim rajonie nieviadomaja, jakaja nazvała siabie rabotnicaj harhazu, uvajšła ŭ dom da 75‑hadovaj žycharki vioski. Žančyna ŭkrała ŭ piensijanierki 110 tysiač rubloŭ i ŭciakła.
Dla papiaredžańnia padobnych vypadkaŭ UUS rekamiendujuć umacavać dźviery kvatery, asnaścić jaje vočkam, łancužkom, zasaŭkaj; nie adčyniać dźviery nieznajomym ludziam. Milicyja taksama papiaredžvaje, što časta złačyncaŭ upuskajuć, kali jany nazyvajuć siabie znajomymi svajakoŭ abo ich siabrami. Inšym razam machlar prosić prynieści papieru i ručku, kab pakinuć zapisku susiedziam. Žančyny mohuć paprasić papić vady ci pierapavić dzicia, nazvacca rabotnikami sacyjalnych słužb. U takich vypadkach milicyja rekamienduje zapytać proźvišča čałavieka, patelefanavać u jaho arhanizacyju, pahladzieć paśviedčańnie.
