U Minharvykankamie adbyłasia sustreča arhanizataraŭ «Čarnobylskaha Šlachu» (26 krasavika, 18:00 — NN) ź milicyjantami i kiraŭnictvam ideałahičnaha ŭpraŭleńnia.
Jak paviedamiŭ Vital Rymašeŭski, na miesca zboru možna budzie trapić tolki cieraź mietałašukalniki, kab nichto nie pranios vybuchoŭku, harełku i h.d.
Vosiem hetych ramak budzie stajać vakoł płoščy na Akademii navuk. Kala kožnaj z hetych ramak prapanavana stać pradstaŭniku arhkamitetu pa praviadzieńni «Čarnobylskaha Šlachu». I my heta zrobim. Milicyja nas zapeŭniła: jany nie buduć pieraškadžać pranosić vudy dla ściahoŭ, raściažki i ŭsio, nieabchodnaje dla praviadzieńnia akcyi.
Razam z tym pravaachoŭniki zajavili, što buduć usialak pieraškadžać tamu, kab da Akademii navuk trapiła hukaŭzmacnialnaja aparatura. Maŭlaŭ, minułym razam miesca zboru było vykarystanaje dla mitynhu, što niedapuščalna.
Arhanizatary zajavili, što jany paviaduć šeście nie na płošču Banhałor, a tolki da Čarnobylskaj kaplicy, dzie adbudziecca ŭskładańnie kvietak i zapalvańnie śviečak. Hety maršrut byŭ uzhodnieny z uładami.
