AAT «Bresckaje piva» pačało licenzijnuju vytvorčaść ukrainskaha piva «Abałoń», paviedamiŭ na pres‑kanfierencyi 27 krasavika ŭ Minsku dyrektar pradpryjemstva Aleh Kisiel.
Pavodle jaho słoŭ, «Bresckaje piva» paśla techničnaha pieraŭzbrajeńnia moža ažyćciaŭlać kantraktnuju vytvorčaść ukrainskaha piva «Abałoń». Budzie, u pryvatnaści, vyrablacca niekalki hatunkaŭ hetaha piva.
«Pytańnie ab pryciahnieńni inviestycyj dla AAT «Bresckaje piva» adkrytaje. Kiraŭnictva Bresckaj vobłaści pryniało rašeńnie pra pošuk inviestara dla pradpryjemstva. Ci budzie heta «Abałoń» — heta ich rašeńnie, ale pakul pra heta pieramovy my nie viali», — skazaŭ Kisiel.
Jon paviedamiŭ, što zaraz pravodziacca pieramovy ab licenzijnaj vytvorčaści niamieckaha piva.
***
Pradpryjemstva zasnavana ŭ 1967 hodzie jak pivavarna‑vinarobny kambinat. Piŭnaja vytvorčaść pačała pracu 30 sakavika 1971 hoda. Z 2002 hoda — adkrytaje akcyjaniernaje tavarystva, kantrolny pakiet akcyj naležyć dziaržavie. AAT «Bresckaje piva» vypuskaje piva, soład, biezałkaholnyja i słabaałkaholnyja napoi, minieralnuju vadu, pładovaje vino. Tut pracuje amal 560 čałaviek.