Da 25 maja Rada biełaruskaj intelihiencyi maje zavieršyć praces vybaru adzinaha kandydata.
Takoje rašeńnie było pryniata 5 maja ŭ Minsku na čarhovym pasiadžeńni RBI z udziełam lideraŭ palityčnych partyj i ruchaŭ.
Palityki Mikałaj Statkievič, Vital Rymašeŭski, Anatol Labiedźka, Lavon Barščeŭski, Viktar Karniajenka, Alaksandr Jarašuk, Siarhiej Kalakin i Alaksandr Kazulin, jakija brali ŭdzieł u pasiadžeńni, adnahałosna padtrymali ideju vyłučeńnia adzinaha kandydata ad apazicyi dziela pieramohi na vybarach kiraŭnika dziaržavy.
Udzielniki pasiadžeńnia abmierkavali prapanavanyja kancepcyi pracedury vyłučeńnia adzinaha kandydata i padtrymali kancepcyju rady, a taksam prapanovu staršyni RBI Uładzimira Kołasa ab praviadzieńni najbližejšymi dniami pasiadžeńniaŭ kruhłych stałoŭ dla lideraŭ palityčnych partyj i ruchaŭ, jakija pažadali udzielničać u prezidenckaj kampanii. Kali hetyja asoby pa vynikach pasiadžeńniaŭ nie pryjduć da zhody nakont kandydatury adzinaha kandydata, to heta zadača budzie vyrašacca radaj zhodna z raspracavanaj joj praceduraj.
Varta nahadać, što Andrej Sańnikaŭ i Aleś Michalevič admovilisia ad udziełu ŭ pracedury rady, a Ruch za Svabodu maje sumnievy što da realistyčnaści pastaŭlenaj zadačy.