Pra heta paviedamiŭ staršynia bresckaj jaŭrejskaj abščyny Barys Bruk.
Pavodle jaho słoŭ, nieviadomyja ŭ noč z 9 na 10 maja spalili ŭsie vianki i košyki z kvietkami kala manumienta, ustanoŭlenaha ŭ centry horada, na skryžavańni vulic Dziaržynskaha i Kujbyšava.
«Heta robicca ŭžo try hady zapar u adzin i toj ža čas — u noč z 9 na 10 maja. Pryčym vinavatyja ŭ tych dvuch vypadkach nie byli ŭstanoŭleny.
Z manumienta ścirajucca ślady sažy ad pažaru, ale ŭ pamiaci ludskoj zrabić heta niemahčyma», — zajaviŭ Bruk.
Jak paviedamiŭ kiraŭnik abščyny, 11 maja jon nakiravaŭ list na imia staršyni Bresckaha harvykankama z patrabavańniem pryniać adpaviednyja miery.
Apahanieny vandałami manumient ustanoŭleny ŭ pamiać ab 34 tysiačach zahinułych u hady Vialikaj Ajčynnaj vajny jaŭrejach, jakija žyli ŭ Breście i navakollach.
0
0
0
0
0
0