U studzieni—sakaviku 2010 hoda salda źniešniaha handlu tavarami i pasłuhami pavodle mietadałohii płaciežnaha bałansu skłałasia admoŭnaje ŭ pamiery 710 młn. dalaraŭ, paviedamlaje Nacyjanalny statystyčny kamitet.
Abjom źniešniaha handlu tavarami i pasłuhami skłaŭ amal 13 młrd. 154,6 młn. dalaraŭ, što na 18,2% bolš, čym u studzieni—sakaviku 2009 hoda. U tym liku ekspart — 6 młrd. 222,4 młn. (na 28,6% bolš), impart — 6 młrd. 932,2 młn. (na 10,1% bolš).
Pavodle mietadałohii handlovaha bałansu, jakaja ŭličvaje źviestki Dziaržaŭnaha mytnaha kamiteta, u studzieni—sakaviku 2010 hoda admoŭnaje salda źniešniaha handlu tavarami sfarmiravałasia ŭ pamiery 1 młrd. 236,3 młn. dalaraŭ (u studzieni—sakaviku 2009 hoda — minus 1 młrd. 896,8 młn.).
Za pieršy kvartał hetaha hoda ŭ krainu ŭvieziena pramiežkavych tavaraŭ (enierhanośbity, syravina, materyjały i kamplektavalnyja) amal na 4 młrd. 795,2 młn. dalaraŭ (na 12,3% bolš, čym za studzień—sakavik 2009 hoda). Ekspart pramiežkavych tavaraŭ skłaŭ 3 młrd. 387,4 młn. dalaraŭ, što na 23,2% bolš za ŭzrovień studzienia—sakavika 2009 hoda.
37,5% vartasnaha abjomu ekspartu i 48,6% — impartu pramiežkavych tavaraŭ składajuć enierhietyčnyja tavary. Na źniešni rynak ich pastaŭlena na 1 młrd. 271,9 młn. dalaraŭ, što na 15,2% mienš, čym u studzieni—sakaviku 2009 hoda. Impart enierhietyčnych tavaraŭ skłaŭ 2 młrd. 328,5 młn. dalaraŭ, što adpaviadaje ŭzroŭniu anałahičnaha pieryjadu minułaha hoda. Salda źniešniaha handlu enierhanośbitami skłałasia admoŭnaje ŭ pamiery 1 młrd. 56,6 młn. dalaraŭ.
Vieličynia stanoŭčaha salda handlu spažyvieckimi tavarami ŭ studzieni—sakaviku 2010 hoda dasiahnuła 237,8 młn. dalaraŭ (u studzieni—sakaviku 2009 hoda — minus 190,5 młn. dałaraŭ).
Źniešni handal charčovymi tavarami ŭ studzieni—sakaviku 2010 hoda charaktaryzavaŭsia stanoŭčym značeńniem salda, vieličynia jakoha skłała 302,3 młn. dalaraŭ. U paraŭnańni z takim ža letašnim pieryjadam jaho vieličynia pavialičyłasia na 203,5 młn. dalaraŭ.
