Stała viadoma, što na 19 traŭnia žurnalistki Iryna Chalip, Śviatłana Kalinkina, Maryna Koktyš i Natalla Radzina znoŭ vyklikanyja ŭ Pieršamajski RUUS Miensku.
Infarmacyju paćvierdziła Śviatłana Kalinkina: «Tak, zaŭtra my pavinny być ŭ daznaŭcy Pusieva, jaki paviedamiŭ nam, što jość užo vysnovy ekspertaŭ, i jon nas ź imi paznajomić. Ale ci viernie techniku, jakaja była ŭ nas zabranaja, jon, na žal, nie skazaŭ».
28 krasavika žurnalistak užo vyklikali dla aznajamleńnia z ekspertyzaj kanfiskavanych u ich kamputaraŭ, ale tady stała viadoma, što patrabujecca novaja ekspertyza, padčas jakoj eksperty pravierać asabistuju infarmacyju.
Naprykancy sakavika na kvaterach Kalinkinaj i Chalip, a taksama ŭ ofisie «Chartyi‑97» prajšli pieratrusy.
Supracoŭniki siłavych strukturaŭ kanfiskavali nośbity infarmacyi, na jakich, adnak, ničoha supraćzakonnaha znojdziena nie było, paśla čaho kamputary byli nakiravanyja na dadatkovuju ekspertyzu.
Pavodle śledčych, kanfiskacyi i pravierki adbyvajucca ŭ miežach spravy ab raspaŭsiudžvańni paklopnickich źviestak pra staršyniu homielskaha UKDB Ivana Karža.
