Mižnarodny kamitet futbolnych asacyjacyj (IFAB) — adziny orhan, jaki moža ŭnosić źmieny ŭ praviły hulni, — zabaraniŭ padmannyja ruchi, jakija hulec robić niepasredna pierad adzinaccacimietrovym udaram z metaj zabłytać varatara.
«Pienalcisty» bolej nie zmohuć spyniacca pierad miačykam, vytrymlivać paŭzu dla taho, kab pahladzieć, u jaki bok kiniecca vartaŭnik varotaŭ. Finty dazvalajucca tolki padčas raźbiehu.
U advarotnym vypadku futbalist ryzykuje atrymać žoŭtuju kartku za niespartovyja pavodziny, a pienalci daviadziecca pierabić.
Navina ŭstupaje ŭ siłu 1 červienia i, hetkim čynam, jana budzie dziejničać užo na palach Paŭdniovaj Afryki ŭ časie čempijanatu śvietu 2010 hoda.
Aproč hetaha, na svaim pasiadžeńni IFAB zaćvierdziŭ papraŭku pra abaviazki čaćviortaha arbitra, jaki dahetul usiaho tolki sačyŭ za chodam zamienaŭ.
Adhetul značeńnie hetaha refiery šmatkroć uzraście. Jon musić dapamahać hałoŭnamu sudździu kantralavać chod matču ŭ adpaviednaści z praviłami hulni, asablivuju ŭvahu nadavać incydentam u štrafnych placoŭkach.
«Siońnia jon hetaksama važny, jak i tyja arbitry, što znachodziacca na poli», — adciemiŭ hienieralny sakratar IFAB Džeram Valkie, paviedamlaje BBC.
