Pryvatnyja interniet‑pravajdery źviarnulisia va ŭrad z prośbaj urehulavać situacyju na telekamunikacyjnym rynku Biełarusi. Tekst kalektyŭnaha zvarotu ŭ elektronnym vyhladzie raspaŭsiudziła PR‑ahienctva JETS, jakoje zajmajecca PR‑padtrymkaj adnaho z bujnych pryvatnych pravajderaŭ.
U svaim liście pravajdery źviartajuć uvahu na manapolnaje stanovišča RUP «Biełtelekam» u śfiery dostupu ŭ interniet. Pavodle ich infarmacyi, nacyjanalny apieratar elektrasuviazi, źniziŭšy košt dostupu tolki dla svaich abanientaŭ, adnačasova «ŭstanaviŭ zaharadžalnyja miechanizmy dla źnižeńnia koštu dostupu ŭ interniet na rynku ŭ cełym».
Pravajdery padkreślivajuć, što hetaja palityka paśladoŭna pravodzicca »Biełtelekamam» apošnija dva hady. »Za hety pieryjad košt dla ŭłasnych abanientaŭ RUP «Biełtelekam» źniziŭsia ŭ 10—13 razoŭ i składaje 100 tysiač pry chutkaści dostupu 1 Mbit/siek. Razam z tym dla apierataraŭ elektrasuviazi za hety ž pieryjad košt źniziŭsia ŭ try razy i z ulikam usich skidak składaje 1 młn. 130 tysiač rubloŭ z ulikam PDK.
Heta značyć u 11 razoŭ bolš, čym košt anałahičnaj pasłuhi dla abanientaŭ RUP «Biełtelekam», — havorycca ŭ liście.
Roźnica ŭ košcie, jaki samastojna ŭstanaŭlivajecca «Biełtelekamam» dla abanientaŭ i apierataraŭ elektrasuviazi, «nie dazvalaje hulcam na rynku telekamunikacyj, jakija kankurujuć z RUP «Biełtelekam», efiektyŭna sfarmiravać svaje praduktovyja prapanovy. Heta źjaŭlajecca barjeram dla źnižeńnia koštu dostupu ŭ interniet na rynku ŭ cełym, padkreślivajuć aŭtary lista.
Pavodle acenki pravajderaŭ, kali situacyja nie budzie ŭrehulavana, to na praciahu najbližejšych paŭtara hoda telekamunikacyjnaja halina Biełarusi «niedaatrymaje amal 1 trłn. rubloŭ u vyhladzie inviestycyj i moža stracić prykładna 20 tysiač pracoŭnych miescaŭ».
U pres‑słužbie «Biełtelekama» BiełaPAN hety zvarot nazvali »papulizmam» i pastavili pad sumnieńnie niekatoryja vykładzienyja ŭ im fakty, u pryvatnaści tyja, što tyčacca kolkaści piersanału, zaniataha ŭ pryvatnych pravajderskich kampanijach.
