Stvorany arhanizacyjny kamitet dla padrychtoŭki i praviadzieńnia Nacyjanalnaj vystavy Respubliki Biełaruś u Łatvijskaj Respublicy, jakaja projdzie 22—25 vieraśnia 2010 hoda. Takoje rašeńnie pryniata rasparadžeńniem premjer‑ministra № 66r ad 18 maja.
Jak paviedamiła pres‑słužba ŭrada, staršynioj arhkamiteta zaćvierdžany ministr transpartu i kamunikacyj Ivan Ščerba, jaho namieśnikam — ministr handlu Valancinaŭ Čakanaŭ. U skład kamiteta taksama ŭvajšli pradstaŭniki kiraŭnictva Minhandlu, Minbudarchitektury, inšych respublikanskich orhanaŭ dziaržkiravańnia, abłvykankamaŭ.
Usiaho ŭ 2010 hodzie Biełaruś voźmie ŭdzieł u 12 nacyjanalnych vystavach za miažoj. U červieni adbudziecca nacyjanalnaja vystava Biełarusi ŭ Białhradzie (Sierbija). U vieraśni Biełaruś płanuje pradstavić svaju ekspazicyju na mižnarodnym navukova‑pramysłovym forumie «Rasija Adzinaja» ŭ Nižnim Noŭharadzie. Čakajecca, što ŭ kastryčniku nacyjanalnaja vystava Biełarusi projdzie ŭ Dnieprapiatroŭsku (Ukraina), u kastryčniku—listapadzie biełaruskaja ekspazicyja budzie demanstravacca ŭ Iranie na Tehieranskaj mižnarodnaj pramysłovaj vystavie.
