Heta asobny prajekt akramia zdabyčy naftavaj syraviny z radovišča Džofiejr.
Pra heta zajaviŭ biełaruski pasoł u Iranie Viktar Rybak, pieradaje Hazieta.ru. Pa słovach dypłamata, zakupka nafty ŭ Iranie - heta asobny prajekt, jaki moža być realizavany niezaležna ad prajektu zdabyčy nafty z radovišča Džofiejr. Taksama, pa słovach Viktara Rybaka, užo chutka biełaruskija śpiecyjalisty «pačnuć abmiarkoŭvać ź iranskim bokam pytańni ab ekanamičnaj efiektyŭnaści takich pastavak».
Hetaja infarmacyja naŭprost pieraklikajecca ź niadaŭniaj zajavaj vice-premjera Uładzimira Siamaški: pa jaho słovach,
užo ŭ kastryčniku hetaha hoda Biełaruś pačnie pramysłovuju zdabyču nafty ŭ Iranie i budzie ŭ dalejšym štohod zdabyvać 1,5 młn ton"čornaha zołata».
Całkam vierahodna, što Biełaruś budzie raźličvacca ź Iranam za naftu nie tolki hrašyma, ale i pradukcyjaj svajoj pramysłovaści. Jak skazaŭ Viktar Rybak, pa vynikach pieršych piaci miesiacaŭ hoda biełaruski ekspart u Iran vyras u 4,7 razy.
«Razam z pradukcyjaj naftachimičnaha kompleksu, ilvinuju dolu ekspartu skłali akryłavyja vałokny, pajšli pastaŭki karjernych samazvałaŭ", - skazaŭ biełaruski ambasadar. Taksama, pa jaho słovach, «viadziecca surjoznaja praca pa pastaŭkach mietałapradukcyi". I ŭžo ŭ hetym hodzie ŭ Iranie zapracuje vytvorčaść pa zborcy hruzavikoŭ Minskaha aŭtazavoda.
