19 i 20 lipienia ŭ Biełarusi ź vizitam znachodziacca kiraŭnik departamienta palicyi Łondana Ryčard Marcin i načalnik adździeła supraćdziejańnia handlu ludźmi dyrektarata łondanskaj palicyi Kievin Chajłand.
Jak paviedamlaje pres-słužba MUS Biełarusi, metaj vizitu źjaŭlajecca naładžvańnie pramych kantaktaŭ pamiž pravaachoŭnymi viedamstvami Biełarusi i Vialikabrytanii, a taksama detalovaje abmierkavańnie pierśpiektyŭ supracoŭnictva, u tym liku pa realizacyi sumiesnych akcyj u halinie supraćdziejańnia mižnarodnamu handlu ludźmi.
U ramkach vizitu zapłanavana sustreča pradstaŭnikoŭ palicyi Łondana z kiraŭnictvam upraŭleńnia pa narkakantroli i supraćdziejańni handlu ludźmi, departamienta pa hramadzianstvie i mihracyi, upraŭleńnia pa raskryćci złačynstvaŭ u śfiery vysokich technałohij i Akademii MUS Biełarusi, a taksama naviedvańnie mižnarodnaha vučebnaha centra padrychtoŭki, pavyšeńnia kvalifikacyi i pierapadrychtoŭki kadraŭ u śfiery mihracyi i supraćdziejańnia handlu ludźmi.
