Temp rostu vałavoha ŭnutranaha praduktu Biełarusi za pieryjad 2011-2015 hadoŭ pavinien skłaści 162-168 pracentaŭ. Pra heta zajaviŭ premjer-ministr Siarhiej Sidorski siońnia na pasiadžeńni respublikanskaha arhkamiteta pa padrychtoŭcy i praviadzieńniu čaćviortaha Usiebiełaruskaha narodnaha schodu.
U asnovie pavyšeńnia vałavoha ŭnutranaha praduktu, na dumku premjer-ministra, pavinna być maštabnaja paskoranaja madernizacyja ekanomiki, a taksama stvareńnie novych praryŭnych napramkaŭ. Heta pradyktavana tym, što ŭ respublicy nie šmat syravinnych resursaŭ. Ekanomika vielmi zaležyć ad impartu enierhanośbitaŭ, syraviny. "Rečaisnaść viadzie da taho, kab žyć za košt vysokaj kvalifikacyi, intelektu śpiecyjalistaŭ, raźvićcia małaresursajomistych vysokatechnałahičnych vytvorčaściej z vysokaj dolaj dabaŭlenaj vartaści", - skazaŭ Siarhiej Sidorski.
Premjer-ministr padkreśliŭ, što na pieršaje miesca ŭ bližejšyja 5 hadoŭ urad budzie stavić jakasnyja pakazčyki raźvićcia ekanomiki."Heta pierš za ŭsio rentabielnaść prodažaŭ, tempy rostu pradukcyjnaści pracy, ekspart tavaraŭ i pasłuh", - rastłumačyŭ jon.-0