Homielski abłasny sud 23 lipienia razhledzieŭ kasacyjnuju skarhu abvinavačvanaha va ŭchileńni ad pryzyvu kaardynatara stvaranaj partyi «Biełaruskaja chryścijanskaja demakratyja» Jaŭhiena Jakavienki.
Abłasny sud pakinuŭ u sile rašeńnie suda pieršaj instancyi, ale prymianiŭ da Jakavienki zakon ab amnistyi i źniaŭ ź jaho sudzimaść. Amnistyja była prymieniena da aktyvista apazicyi jak da asoby, jakaja paciarpieła ad katastrofy na Čarnobylskaj AES.
Jak paviedamlałasia raniej, 6 červienia sud Centralnaha rajona Homiela pryznaŭ Jakavienku vinavatym va ŭchileńni ad pryzyvu i pryhavaryŭ jaho da hoda abmiežavańnia voli z nakiravańniem va ŭstanovu adkrytaha typu.
Jakavienka nie ličyć siabie vinavatym. Jon zajaŭlaje, što nie ŭchilaŭsia ad pryzyvu i nie atrymlivaŭ pozvy, a tolki nastojvaŭ na realizacyi svajho kanstytucyjnaha prava na viadzieńnie ź im pierapiski na biełaruskaj movie. Małady čałaviek zapatrabavaŭ taksama realizacyi svajho prava na alternatyŭnuju słužbu.
Šerah palityčnych partyj i hramadskich abjadnańniaŭ vystupili ŭ abaronu abvinavačvanaha pryzyŭnika. U Homieli byŭ stvorany arhkamitet u padtrymku Jakavienki — u jaho skład uvajšli pravaabaroncy, apazicyjnyja palityki i inšyja pradstaŭniki hramadskaści.
«Farmalna ź mianie źniata sudzimaść, ale ž faktyčna ja nie apraŭdany, — zajaviŭ BiełaPAN Jaŭhien Jakavienka. — Kryŭdna, što maje vysnovy nichto nie słuchaŭ i abłasny sud taksama paličyŭ mianie vinavatym. U sudzie nada mnoju navat adkryta paśmiajalisia: maŭlaŭ, sudzimaści niama, tamu ciapier rychtujsia da čarhovaha pryzyvu. Ale ja svaju pazicyju mianiać nie budu i