Na 29 lipienia ŭ Haspadarčym sudzie horadu Minska byli pryznačanyja adrazu dva sudovyja pasiedžańni pa pazovach Minharvykankama da adukacyjnaj ustanovy «Ruch napierad», jakaja zasnavała kampaniju «Havary praŭdu». Pieršaje — razhlad apielacyi — było pieraniesienaje pavodle chadajnictva pradstaŭnikoŭ Minharvykankama. A ŭviečary pa druhim pazovie
Haspadarčy sud vynies pastanovu ab pryznańni damovy arendy pamiaškańnia niadziejnaju. A heta aznačaje, što ŭ «Ruchu napierad» niama jurydyčnaha adrasu, i dziaržaŭnaja rehistracyja «Ruchu napierad» taksama niadziejnaja.
Mierkavałasia, što ranicaj pačniecca razhlad apielacyi Minharvykankamu na rašeńnie Haspadarčaha suda Minska prypynić razhlad spravy pa apielacyjnaj skarzie da pryniaćcia rašeńnia pa druhim pazovie Minharvykankamu. Hety druhi pazoŭ da tavarystva z abmiežavanaj adkaznaściu «Tina Vlati» i ŭstanovy «Ruch napierad» patrabavaŭ pryznać niadziejnaju damovu arendy. A razhlad hetaha druhoha pazovu byŭ pryznačany na
Staršyniavaŭ na pasiedžańni sudździa Andrej Alaškievič, jaki try tydni tamu vynies rašeńnie nie zadavalniać pieršy pazoŭ Minharvykankama ab likvidacyi «Ruchu napierad». Ale siońnia jon vynies rašeńnie zadavolić druhi pazoŭ Minharvykankama i pryznać damovu arendy niadziejnaj.
«Atrymlivajecca, što z samaha pačatku ŭstanova „Ruch napierad“ nie mieła jurydyčnaha adrasa i nie mieła miesca znachodžańnia. Adpaviedna, rašeńnie ab dziaržaŭnaj rehistracyi „Ruchu napierad“ pavinna być admieniena», — prakamentavała pastanovu sudu pravaabaronca Raisa Michajłoŭskaja.
Jurysty Minharvykankama nastojvali na tym, što niežyłoje pamiaškańnie płoščaj 999 kvadratnych metraŭ, jakim vałodaje tavarystva z abmiežavanaj adkaznaściu «Tina Vlati», — handlovaje, a nie administracyjnaje. I tamu «Tina Vlati» nia mieła prava zdavać jaho nie pa pryznačeńni — pad ofis.
Pradstaŭniki arandadaŭcy, firmy «Tina Vlati», i arandatara, «Ruchu napierad», sprabavali pierakanać, što na płanie izalavanaje pamiaškańnie ŭ cokalnym paviersie, z asobnym uvachodam z dvara płoščaj 150 mietraŭ, jakoje zdymaje «Ruch napierad», było paznačanaje «dla raźmiaščeńnia kiroŭčaha aparatu», to bok dla administracyi, a nie dla handlu. Raniej jaho arandavali pad ofisy try firmy, i da ich padobnych pretenzijaŭ nie było. Jašče adno pamiaškańnie ŭ «Tina Vlati» zdymaje ŭ arendu
«Składana ciapier kazać, chto vinavaty. Tamu što raniej hetyja pamiaškańni zdavalisia ŭ arendu, pryčym pad administracyjnyja mety, dla pracy administracyjnaha aparatu. Adnak
tolki „Ruchu napierad“ vystaŭlajucca pretenzii, što jano arandavała pamiaškańnie, jakoje nie adpaviadaje funkcyjanalnamu pryznačeńniu. Tut całkam zrazumieła, što sprava palityčnaja», — zajaviła Michajłoŭskaja.
Pradstaŭniki arandadaŭcy, firmy «Tina Vlati», i arandatara, «Ruchu napierad», majuć namier padać apelacyju i abskardzić rašeńnie Haspadarčaha suda ab pryznańni damovy arendy niadziejnaj.
