Dom sastarełych na ŭskrajku vioski Žuchavičy, pad Kareličami. Tut, u nievialikim pakojčyku, žyvie 89-hadovy viazień HUŁAHU Alaksandr Safronavič Doŭbik.
U 1958 hodzie nastaŭnik Alaksandr Doŭbik napisaŭ listy z žorstkaj krytykaj savieckaha ładu i dasłaŭ ich prezidentu ZŠA Ejzienchaŭeru, premjer-ministru Vialikabrytanii Idenu dy premjeru Indyi Neru (bolš padrabiazna pra heta možna pračytać tut). Listy, naturalna, pierachapiła KDB. Aŭtara znajšli i asudzili da 10 hadoŭ katarhi i 5 hadoŭ paražeńnia ŭ pravach. Faktyčna, Alaksandar Doŭbik adsiedzieŭ u łahiery ŭ Mardovii piać hod — vypuścili paśla taho, jak napisaŭ kasacyjnuju skarhu.
Siońnia, niahledziačy na pavažny ŭzrost,
spadar Doŭbik idzie ŭ rašučy nastup na dziaržavu, patrabujučy 200 miljonaŭ rubloŭ kampiensacyi za represii.Jaho sudovaja pozva vyklikała piarepałach u finansavym adździele Karelickaha rajvykankamu. Damahajučysia spraviadlivaści, Alaksandar Doŭbik dajšoŭ ažno da Viarchoŭnaha suda. Kali i tam nie dapamohuć, jon źbirajecca źviarnucca da kiraŭnika prezidenckaj administracyi Makieja. Padrabiaznaści – u videa: