Zakupačnyja ceny na hrečku, što pastaŭlajecca dla pierapracoŭki ŭ krupy, u Biełarusi pavialičanyja ŭ 1,5 razu. Adpaviednaja pastanova Savieta ministraŭ, № 1305, pryniataja 9 vieraśnia 2010 hoda, paviedamiła
Dakumientam, jaki nabyŭ moc zadnim dniom (29 lipienia 2010 hoda), uniesienyja źmieny ŭ pastanovu Savieta ministraŭ Respubliki Biełaruś ad 20 lipienia 2010 hoda № 1082 «Ab zaćviardžeńni zakupačnych cen na sielskahaspadarčuju pradukcyju ŭradžaju 2010 hoda, što realizujecca dla dziaržaŭnych patreb».
Zhodna z pastanovaj № 1305, zakupačnyja ceny na hrečku, što pastaŭlajecca dla pierapracoŭki ŭ krupy pieršaha kłasa, pavialičany z 902 tys. za tonu da 1 młn. 353 tys. rubloŭ, druhoha kłasa — z 838 tys. da 1 młn. 257 tys., treciaha kłasa — z 751 tys. da 1 młn. 127 tys., ci ŭ 1,5 razu.
«Pavyšeńnie zakupačnych cen źviazanaje ź nieabchodnaściu abarony intaresaŭ ajčynnych vytvorcaŭ i rehulavańnia cen na hreckija krupy ŭ paraŭnańni z sumiežnymi dziaržavami», — patłumačyli va ŭradzie.