Na aficyjnym sajcie miehapapularnaj narviežskaj hrupy źjaviłasia paćvierdžańnie, što hurt vystupić u Minsku 6 listapada. A niekatoryja čytačy nie davali viery infarmacyi nn.by!.
Kancert projdzie ŭ minskim Pałacy sportu, što na praśpiekcie Pieramožcaŭ, 6 listapada. Pačatak a 20-j.
Jak paviedamlaŭ nn.by, arhanizacyjaj kancerta zajmajecca kampanija «Korporacija razvlečienij». U paraŭnańni sa Stynham, ceny na kancert A-ha! – pamiarkoŭniejšyja: ad 100 da 390 tys.
Hurt, papularny ŭ 80-yja i 90-yja, ciapier znachodzicca ŭ svaim raźvitalnym tury, jaki pačaŭsia ŭ studzieni 2010 i zaviaršycca ŭ śniežni vialikim kancertam u Osła.
Takim čynam A-ha 1 listapada vystupić u Ryzie, 2 listapada – u Vilni, 4 listapada – u Kijevie, 6 listapada – u Minsku, 9 listapada – u Maskvie, a 11 listapada – u Pieciarburhu.
A-ha – honar narviežskaj papularnaj muzyki. Hurt byŭ zasnavany ŭ 1982 h. Najvialikšy pośpiech zdabyŭ ich pieršy albom Hunting High and Low (1985), jaki amal całkam składzieny z chitoŭ, Take On Me, The Sun Always Shines on T.V. dy inš. A-ha hraje na styku rok- i pop-muzyki.
Crying in the rain
Summer Moved On