U hetym navučalnym hodzie «Asnovaŭ pravasłaŭnaj kultury» ŭ škołach nie budzie 14
Kurs nie atrymaŭ hryf Nacyjanalnaha instytuta adukacyi.
U hetym navučalnym hodzie biełaruskija dzieci nie buduć vyvučać fakultatyŭny kurs «Asnovy pravasłaŭnaj kultury. Śviatyni biełaruskaha naroda».
Z-za adsutnaści naležnaha vučebna-mietadyčnaha kompleksu kaardynacyjnaja rada Nacyjanalnaha instytuta adukacyi nie dała dazvołu na ŭviadzieńnie fakultatyva ŭ navučalnuju prahramu, choć sama prahrama «Asnovaŭ pravasłaŭja» nijakich narakańniaŭ nie vyklikała.
Pa słovach dyrektara minskaj škoły № 123 Zoi Ancypovič, adnoj z raspracoŭščykaŭ prahramy fakultatyva, na stvareńnie vučebna-mietadyčnaha kompleksu sydzie nie mienš za hod.
«Kurs nie atrymaŭ hryf Nacyjanalnaha instytuta adukacyi. A biez hetaha ŭ škołach vykładacca jon nie moža», — paviedamiła TUT.BY Zoja Ancipovič.