Ministr kultury Litvy Arunas Hiełunas asabista zojmiecca prablemaj adnaŭleńnia Vilenskaha biełaruskahahistoryka-etnahrafičnaha muzieja imia Ivana Łuckieviča. Ab hetym jon zajaviŭ 28 vieraśnia ŭ Minsku žurnalistam paśla zaviaršeńnia svajho adnadzionnaha vizitu ŭ Biełaruś.
«Pakolki ja ŭsiaho try miesiacy zajmaju pasadu ministra, mnie ciažka havaryć ab detalach, ale vialisia pieramovy z prem'
Jak adznačyŭ u svaju čarhu biełaruski ministr kultury Pavieł Łatuška, litoŭskamu boku prapanavana vyrabić za košt Biełarusi ličbavyja kopii tych materyjałaŭ muzieja imia Łuckieviča, jakija zachoŭvajucca ŭ roznych ustanovach kultury Litvy.
Muziej isnavaŭ u 1921–1945 hadach na asnovie pryvatnaj kalekcyi biełaruskaha etnohrafa i archieołaha Ivana Łuckieviča i inšych materyjałaŭ. Raźmiaščaŭsia ŭ budynku byłoha bazyljanskaha klaštara, naležaŭ Biełaruskamu navukovamu tavarystvu. Uklučaŭ piać ekspazicyjnych załaŭ, archiŭ i biblijateku bolš čym z 14 tys. tamoŭ. Zachavaŭsia šerah kalekcyj muzieja, u tym liku archieałahičnaja (piarścionki ź piačatkami połackich kniazioŭ), sfrahistyčnaja (103 piačatki roznych časoŭ, u tym liku piačatka vialikaha kniazia VKŁ Mindoŭha), numizmatyčnaja, miedaloŭ i kryžoŭ, słuckich pajasoŭ, dyvanoŭ i inšych vyrabaŭ biełaruskich manufaktur, biełaruskich narodnych muzyčnych instrumientaŭ, tvoraŭ narodnych rezčykaŭ, staražytnaj zbroi, rukapisnych knih i staradrukavanych vydańniaŭ (siarod ich — Žuchavickaje Jevanhielle XIV stahodździa i pražskija vydańni Francyska Skaryny), staradaŭniaha adzieńnia i karcin biełaruskich mastakoŭ. Paśla zakryćcia ŭ 1945 hodzie bolšaja častka jaho zboraŭ pieradadziena muziejam Litvy, astatniaje — muziejam Biełarusi.
Arunas Hiełunas znachodziŭsia ŭ Biełarusi pa zaprašeńni Ministerstva kultury. Prahrama jaho vizitu ŭklučała pieramovy ź biełaruskim kaleham, naviedvańnie Lidskaha, Mirskaha i Niaśvižskaha zamkaŭ, a taksama Nacyjanalnaj biblijateki Biełarusi.
