Za Niaklajeva ŭ pieršy dzień sabrali 8 887 podpisaŭ, za Rymašeŭskaha — 2 000

Štaby pretendentaŭ u prezidenty pakul nie majuć dakładnych źviestak pra kolkaść podpisaŭ, sabranych u pieršy dzień pracy inicyjatyŭnych hrup pa vyłučeńni kandydataŭ na pasadu kiraŭnika dziaržavy.

Tak, Pavieł Sieviaryniec, kiraŭnik inicyjatyŭnaj hrupy Vitala Rymašeŭskaha, paviedamiŭ, što za jaho vyłučeńnie sabrana prykładna dźvie tysiačy podpisaŭ. «Učora ludzi hałoŭnym čynam raźmiarkoŭvali paśviedčańni členaŭ inicyjatyŭnych hrup, tamu aktyŭnaja praca pačniecca najbližejšymi dniami. My płanujem vyjści na zbor čatyroch-piaci tysiač podpisaŭ u dzień», — skazaŭ Sieviaryniec.

Pres-sakratarUładzimira Niaklajeva Julija Rymašeŭskaja paviedamiła, što ŭ jaho padtrymku ŭ pieršy dzień było sabrana 8 tysiač 887 podpisaŭ.

Andrej Sańnikaŭ paviedamiŭ, što jon nie maje pakul źviestak pra zbor podpisaŭ. «Hetyja vyniki my budziem padvodzić bližej da paniadziełka», — skazaŭ jon.

Taksama nie maje źviestak pra kolkaść sabranych podpisaŭ inicyjatyŭnaja hrupa Jarasłava Ramančuka.. Pres-sakratar Ramančuka Hanna Krasulina paviedamiła, što ŭ Minsku ŭ padtrymku ich kandydata sabrana pryblizna dźvie tysiačy podpisaŭ. «Adnak u nas narod raźjechaŭsia pa rehijonach, i my nie viedajem, kolki sabrali rehijanalnyja aktyvisty», — adznačyła Krasulina. Pavodle jaje słoŭ, pieršyja dakładnyja vyniki zboru podpisaŭ buduć padviedzieny na nastupnym tydni.

Jak paviedamiŭ staršynia Partyi BNF Alaksiej Janukievič, pakul vybarčy štab Ryhora Kastusiova nie vałodaje infarmacyjaj pra kolkaść sabranych podpisaŭ. Jana źjavicca ŭ štabie tolki ŭ druhoj pałovie dnia.

0

0

0

0

0

0

Siarhiej Pulša, BiełaPAN.

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH