Pra heta zajaviła žurnalistam staršynia Centrvybarkama Lidzija Jarmošyna 8 kastryčnika ŭ Mahilovie pierad abłasnym
«Vybary — heta spakoj, arhanizavanaść i adekvatnaje ŭsprymańnie hramadstva. Usio heta jość na hety momant», — skazała Jarmošyna.
Pavodle śćviardžeńnia kiraŭnika CVK, usie zarehistravanyja inicyjatyŭnyja hrupy znachodziacca ŭ spryjalnych umovach, «im dapamahajuć i miascovyja ŭłady, i vybarčyja kamisii, dla taho kab jany zmahli vykanać toje, što patrabuje Kanstytucyja, heta značyć sabrać u padtrymku svaich kandydataŭ nieabchodnuju kolkaść podpisaŭ».
Jak zaznačyła Jarmošyna, nivodnaja ź inicyjatyŭnych hrup nie zajaviła pretenzii ab tym, što dla jaje stvarajucca niaroŭnyja ŭmovy, uvodziacca dadatkovyja barjery pa zbory podpisaŭ.
«Inšaja reč, što, mahčyma, niekatoryja našy palityki ŭžo razvučylisia pracavać, tamu ŭ ich i źjaŭlajucca pretenzii», — vykazała mierkavańnie Jarmošyna.
Pavodle jaje słoŭ, Centrvybarkam praviaraje ŭsie skarhi, u tym liku tyja, jakija źjaŭlajucca ŭ internecie. «Nivodny sa zvarotaŭ, što tyčacca pracy toj ci inšaj inicyjatyŭnaj hrupy, pakul nie paćvierdziŭsia. My vielmi zadavoleny», — skazała staršynia kamisii.
«Usie karty ŭ ruki dadzieny ŭsim kandydatam, — upeŭniena Jarmošyna. — Kali ŭ ich štości nie atrymajecca, to heta vina nie vybarčych kamisij i nie vina ŭładaŭ».