Pomnik lotčykam Pahraničnaj varty Polščy, jakija zahinuli na miažy ź Biełaruśsiu, adkryty 30 kastryčnika ŭ Kamianieckim rajonie Bresckaj vobłaści.
Viertalot Kania Padlaskaha adździeła Pahraničnaj varty Polščy paciarpieŭ katastrofu viečaram 31 kastryčnika 2009 hoda padčas vykanańnia patrulnaha palotu ŭzdoŭž dziaržaŭnaj miažy.
Pošukavyja raboty na miažy vialisia bolš jak šeść hadzin. Abłomki viertalota byli znojdzienyja na biełaruskaj terytoryi, za 200 mietraŭ ad linii miažy pablizu ad nasielenaha punkta Vysokaje ŭ Kamianieckim rajonie.
Usie try čałavieki, jakija znachodzilisia na borcie pavietranaha sudna, zahinuli:
49-hadovy kamandzir ekipaža — piłot padparučnik Andžej Žukoŭski, 35-hadovy šturman staršy charunžy Bartłamiej Bartnicki, 34-hadovy apieratar małodšy charunžy Marcin Biazubik.
Pamiatny znak uźviedzieny pa inicyjatyvie i na srodki biełaruskich pahraničnikaŭ na ŭčastku pahranzastavy "Takary" Bresckaj pahraničnaj hrupy, za 25 mietraŭ ad linii miažy. Jon ujaŭlaje saboj hranitny pastamient, na jakim ustanoŭleny dźvie steły, što simvalizujuć razarvanyja kryły viertalota. Praśviet pamiž stełami ŭtvaraje katalicki kryž. Na miemaryjalnym znaku raźmieščany pamiatny nadpis na polskaj i biełaruskaj movach ź imionami zahinułych.
U cyrymonii adkryćcia znaka ŭziali ŭdzieł kiraŭniki i pradstaŭniki pahraničnych viedamstvaŭ Biełarusi i Polščy, kiraŭnictva orhanaŭ ułady dźviuch krain, svajaki zahinułych.
Prysutnyja ŭskłali vianki i kvietki. Biełaruskija i polskija śviatary adsłužyli panichidy.
