U Bresckaj vobłaści ŭ składy ŭčastkovych vybarčych kamisij pa vybarach prezidenta vyłučany 11.453 čałavieki. Pra heta paviedamiŭ načalnik hałoŭnaha ŭpraŭleńnia arhanizacyjna-kadravaj pracy Bresckaha abłvykankama Alaksandr Kalada.
Jon udakładniŭ, što 5.387 čałaviek vyłučany hramadzianami šlacham padačy zajavy, 3.821— hramadskimi abjadnańniami, 1.999 — pracoŭnymi kalektyvami, 246 — palityčnymi partyjami, što składaje 2,1% ad ahulnaj kolkaści vyłučanych. U pryvatnaści, 90 pradstaŭnikoŭ vyłučyła Partyja BNF, 69 — Kamunistyčnaja partyja Biełarusi, 49 — Biełaruskaja partyja levych "Spraviadlivy śviet", 24 — Biełaruskaja sacyjał-demakratyčnaja partyja (Hramada); 14 — Abjadnanaja hramadzianskaja partyja.
Nie paźniej jak 3 listapada ŭ Bresckaj vobłaści pavinna być sfarmiravana 986 učastkovych vybarčych kamisij (ad 5 da 19 čałaviek u kožnaj), paviedamiŭ Kalada.
