Nočču 6 listapada ŭ Pietrykaŭskuju balnicu byŭ dastaŭleny invalid 2-j hrupy, 46-hadovy žychar vioski Słabada. U balnicy mužčyna pamior.
Pavodle papiaredniaha zaklučeńnia, śmierć nastupiła ad množnych traŭm.
Jak paviedamili ŭ pravaachoŭnych orhanach, ustanoŭlena, što dniom raniej 36-hadovy adnaviaskoviec paciarpiełaha ŭ stanie ałkaholnaha apjanieńnia padčas uźnikłaj svarki mylicaj źbiŭ invalida. Raspačata kryminalnaja sprava, viadziecca śledstva.
U Mazyry 8 listapada raspačata sprava pa art. 147 Kryminalnaha kodeksa (naniasieńnie ciažkich cialesnych paškodžańniaŭ) u dačynieńni da 34-hadovaha žychara rajcentra. Ustanoŭlena, što jon 6 listapada, znachodziačysia ŭ haściach u 57-hadovaha invalida 2-j hrupy, paśla sumiesnaha raśpivańnia śpirtnych napojaŭ u svarcy da śmierci źbiŭ jaho kijkom. Trup invalida byŭ znojdzieny viečaram 6 listapada. Pavodle papiaredniaha zaklučeńnia, śmierć nastupiła ad pierałomaŭ noh, levaj ruki i rebraŭ, množnych udaraŭ i siniakoŭ cieła, hałavy i kaniečnaściaŭ.
Viadziecca śledstva, padazrony zatrymany.
Alena Hiermanovič, BiełaPAN
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
