Apošnim časam pačućcio adzinoty litaralna zachlisnuła hramadstva. I z hetaj pryčyny psichołahi bjuć tryvohu.
Jak adznačajuć śpiecyjalisty, adzinota źjaŭlajecca składnikam čałaviečaj dušy, jaje častkaj. Vučonyja navat zajaŭlajuć, što prykładna kožny dziasiaty žychar płaniety maje pryrodžanuju schilnaść da adzinoctva — im zaŭsiody budzie čahości abo kahości nie chapać.
Adzinokimi siabie mohuć adčuvać jak mužčyny, tak i žančyny. Pavodle statystyki, adzinokija mužčyny čaściej pakutujuć ad pavyšanaha arteryjalnaha cisku, im pahražajuć sardečna-sasudzistyja zachvorvańni. Vučonyja śćviardžajuć, što heta adbyvajecca, u asnoŭnym, z-za taho, što mužčyny-adzinočki akazvajucca biez čujnaj uvahi žančyn, a tamu niapravilna charčujucca, złoŭžyvajuć ałkaholem, nie zajmajucca sportam.
Pra toje, što vas mučyć mienavita pačućcio adzinoty, skaža nabor peŭnych emocyj, złučanych u asablivy chvaravity stan. Heta kaktejl z tryvohi, rezkich źmien nastroju, časam biassońnicy, biespryčynnych isteryk, z adčuvańnia biazvychadnaści, jakoje paradžaje niaŭpeŭnienaść u sabie, a taksama zajzdraści da tych, u kaho, na vaš pohlad, usio dobra ŭ asabistym žyćci. Vam abo nie chočacca iści paśla pracy dadomu, abo vy zapirajeciesia na "čatyry zamki" va ŭłasnaj kvatery. Na fonie pierakananaści, što adzinota — heta pryhavor, piensijaniery pierastajuć kantaktavać navat sa starymi siabrami, susiedziami. Adsiul — drennaje samaadčuvańnie... Ad adzinoctva ludzi navat pamirajuć.
Ale
adzinota — heta nie dyjahnaz, nie štości niepaźbiežnaje. Heta nie bolš, čym unutranaje adčuvańnie. Jak kažuć psichaterapieŭty, nie treba błytać adzinoctva i adasoblenaść. Naohuł, zastacca na niejki čas u izalacyi ad ciesnych stasunkaŭ karysna ŭsim niezaležna ad uzrostu i sacyjalnaha stanovišča — kab, naprykład, padumać pra svajo žyćcio, zaniacca lubimym zachapleńniem, dać adpačynak mozhu i ciełu. Abo ž, naadvarot, aktyŭna štości stvarać. Časam hetyja pieryjady zaciahvajucca, ale ŭ vyniku nastaje momant, kali znoŭ chočacca stasunkaŭ ź siamjoj, siabrami.
Usio možna papravić: jość mietady vychadu z chvaravitych stanaŭ, a taksama mahčymaść i pazbaŭleńnia ad kompleksu niepaŭnacennaści. Samaje važnaje dla pačatku — dyjahnostyka adzinoty. Tamu nieabchodny padrabiazny analiz, a zatym vyznačeńnie, čym vyklikana adzinoctva, što mienavita jaho abvastraje. I tolki potym pačynajecca praca nad tym, kab niejtralizavać heta razburalnaje pačućcio.
Kamuści nie chapaje taktylnych adčuvańniaŭ, zvyčajnych dotykaŭ — takim ludziam rekamiendujucca masaž, basiejn. Niekatorym patrebny burnyja emocyi — im nieabchodna iści ŭ kłuby pa intaresach, na kancerty, šou. Chtości maje patrebu ŭ pastajannych stasunkach — tut pamočnikami stanuć kłuby znajomstvaŭ.
Hałoŭny recept — nie zamykacca. Spačatku treba prymusić siabie žyć sa znakam plus, "vyciahvać za vałasy", jak baron Miunchhaŭzien, a potym usio pojdzie jak pa maśle. Kali čałaviek pačynaje kantaktavać (a heta važna adčuvać siabie patrebnym), to prablemy adzinoctva źnikajuć sami pa sabie. Abaviazkova źjaŭlajucca siabry, znajomyja, a siarod ich moža znajścisia i vaša druhaja pałavinka.
Darečy, amierykanskija vučonyja daśledavali kletki ludziej, jakija žyvuć u sacyjalnaj izalacyi — u adzinocie. Ekśpierymient pakazaŭ, što adzinokaje žyćcio źviazanaje sa źmienami ŭ dziejnaści hienaŭ, jakija adkazvajuć za zapaleńnie ŭ arhaniźmie, asłableńnie imunnaj sistemy i pavieličeńnie ryzyki virusnych infiekcyj, raku i sardečnych chvarob. Hieny ŭ lejkacytach adzinokich ludziej byli vidaźmienienyja i pryvodzili da zboju achoŭnych funkcyj imunnaj sistemy i antyvirusnych adkazaŭ arhanizma.
