Takim čynam moładzievyja aktyvisty pasprabavali pryciahnuć uvahu da prablem vojska i alternatyŭnaj słužby.
Niezvyčajnaja akcyja ad kampanii «Havary Praŭdu» adbyłasia la prystupak Biełaruskaha dziaržaŭnaha technałahičnaha ŭniviersiteta ŭ Minsku. Moładzievyja aktyvisty zadavali studentam prostyja pytańni i vydavali im impravizavanyja paviestki ź pieralikam prablem biełaruskaj armii.
Pra metu akcyi kaža adzin ź jaje ŭdzielnikaŭ Pavieł Vinahradaŭ: «Infarmavańnie, što našaja armija zusim nie takaja, jakaja patrebnaja dziaržavie. U joj adbyvajucca nienarmalnyja rečy. Akcyja skiravanaja na budučyniu, z tym, kab u krainie była alternatyŭnaja słužba, i kantraktnaja słužba».
Pa słovach Paŭła, akcyja prajšła na pazityvie. «Uvohule zabaŭna, viesieła i pazityŭna! Reakcyja ŭ asnoŭnym stanoŭčaja, ale byli i takija, kamu našy materyjały vielmi nie spadabalisia».
Siarod ich — chłopcy z dobraachvotnaj słužby achovy paradku, a taksama mužčyna, jaki pradstaviŭsia vykładčykam univiersiteta. Jon patrabavaŭ pradjavić žurnalisckija paśviedčańni, kazaŭ, što ahitacyja la ŭniviersiteta zabaronienaja i kamuści pa telefonie začytvaŭ źmiest ulotki.
Mužčyna, jaki pradstaviŭsia vykładčykam univiersiteta: «Akcyja, dzie ludzi razdajuć niapravilnuju infarmacyju! Vy čamu nie aśviatlajecie inšyja akcyi? Jak 80‑hodździe ŭniviersiteta naprykład?»
Pa słovach adnaho z arhanizatara akcyi Michasia Paškieviča, abmierkavańnie zakonaprajekta ab alternatyŭnaj słužbie niečakana zaciahnułasia. U sakaviku Saviet Ministraŭ sfarmavaŭ śpiecyjalnuju mižviedamasnuju pracoŭnuju hrupu. I vyniasieńnie prajekta na abmierkavańnie płanavałasia jašče na 1 vieraśnia. Na dumku Michasia Paškieviča, da zaciahvańnia spryčyniłasia vajskovaje łobi.
«Mienavita vajskovaje łobi damahajecca, kab termin alternatyŭnaj słužby byŭ udvaja daŭžejšy za vajskovuju słužbu. Jano ž damahłosia, kab zabirali zavočnikaŭ u vojska», — kaža M.Paškievič.
