Zrabić normaj žyćcia pryncypy ŭzajemarazumieńnia i ŭzajemadapamohi, pa jakich žyŭ zasnavalnik Čyrvonaha kaścioła Edvard Vajniłovič,
zaklikaŭ mitrapalit
Pavodle słoŭ mitrapalita, Vajniłovič byŭ vielmi zyčlivym da pravasłaŭnych i pratestantaŭ, iudziejaŭ i musulman, da viernikaŭ i niavierujučych, ź luboŭju staviŭsia da kožnaha čałavieka, padtrymlivaŭ luboha, chto mieŭ patrebu ŭ dapamozie. «Vajniłovič paŭstaje pierad nami jak vialiki humanist i čałaviek šyrokaha kruhahladu», — skazaŭ Tadevuš Kandrusievič.
Jon adznačyŭ, što pradstaŭniki roznych vieravyznańniaŭ razam pracujuć, vučacca i adpačyvajuć, razam pieražyvajuć radaści i smutak, razam budujuć svoj supolny dom. «Usio heta zaklikaje nas da ŭzajemnaha razumieńnia našych mientalitetaŭ, tradycyj, kultur i vieravyznańniaŭ. Zachoŭvajučy svaju tojesnaść, zastajučysia sa svaimi tradycyjnymi pierakanańniami, my pavinny vykazvać pašanu adnosna vybaru inšaha čałavieka. Tolki tady my možam zbudavać śviet miru i ŭzajemarazumieńnia, što asabliva patrebna ŭ naš čas niebyvałaha nacisku siekularyzmu», — padkreśliŭ mitrapalit.
Na jaho dumku,
nielha adnieści da sapraŭdnych kaštoŭnaściej dazvoł na aborty, zakon ab eŭtanazii, vykarystańnie čałaviečych embryjonaŭ dla vytvorčaści amaładžalnych preparataŭ, štučnaje apładnieńnie, uzakońvańnie homasieksualnych sajuzaŭ z pravam usynaŭleńnia dziaciej i svabodu na parnahrafiju.
Dla praduchileńnia duchoŭnaj katastrofy arcybikup zaklikaŭ pradstaŭnikoŭ usich vieravyznańniaŭ budavać śviet na asnovie spradviečnych maralnych kaštoŭnaściej, biez čaho niemahčyma ščaślivaje žyćcio.
U malitoŭnaj sustrečy udzielničali pradstaŭniki roznych vieravyznańniaŭ. Paśla ich vystupleńniaŭ i sumiesnaj malitvy byli ŭskładzieny kvietki da raki, dzie spačyvaje Edvard Vajniłovič.
21 listapada ŭ 12.00 u Čyrvonym kaściole adbuducca ŭračystaści, pryśviečanyja jubileju śviatyni. Uračystuju liturhiju ŭznačalić apostalski nuncyj u Biełarusi, arcybiskup Marcin Vidavič, z kazańniu da prysutnych źvierniecca mitrapalit Tadevuš Kandrusievič. Na śviata zaprošany ŭsie biełaruskija
