A.Kaścicyn zakinuŭ 8-ju šajbu ŭ siezonie i pryznany 1-j zorkaj + videa 1

Adbyłosia heta ŭ matčy «Manreala», za jaki vystupaje biełarus, z «Łos-Andželesam», jaki «Kanadyjens» vyjhrali 4:1 (2:0, 2:1, 1:0).

Biełaruski forvard zakinuŭ pieršuju šajbu kamandy ŭ matčy (na 10-j chvilinie), pierachapiŭšy šajbu ŭ supiernika la siniaj linii, a zatym addaŭ halavy pas na 24-j chvilinie, zrabiŭšy lik 3:1. A.Kaścicyn byŭ pryznany pieršaj zorkaj matču, a aficyjny sajt NCHŁ nazvaŭ spravazdaču pra matč «Kaścicyn pryvioŭ «Chabs» nad «Kinhz».

Zaraz u A. Kaścicyna na rachunku 16 bambardzirskich bałaŭ (8 šajbaŭ, 8 halavych pasaŭ) u 22 matčach,

kaeficyjent karysnaści +4, siaredniaja praciahłaść znachodžańnia na placoŭcy 15:29.

Jahony "Manreal" zajmaje 3-je miesca va Uschodniaj kanfierencyi.

***

«Nešvił», za jaki vystupaje małodšy brat Andreja Siarhiej Kaścicyn, prajhraŭ siońnia pa bulitach «Sent-Łuisu» — 1:2 (0:1, 1:0, 0:0, 0:1). Siarhiej pravioŭ na lodzie 7 chvilin 25 siekundaŭ, najmienšy čas u "predatarz" i nie zakinuŭ apošni bulit u kamandy.

Usiaho ŭ jaho na rachunku 3 bambardzirskija bały ŭ 15 matčach (2+1), kaeficyjent karysnaści minus 5, siaredniaja praciahłaść znachodžańnia na placoŭcy 10:41 — najmienšaja siarod asnoŭnych hulcoŭ kłuba.

«Detrojt» Rusłana Saleja prajhraŭ u haściach «Atłancie» — 1:5 (1:2, 0:2, 0:1). Biełaruski abaronca pravioŭ na placoŭcy 18 chvilin 18 siekundaŭ. Usiaho ž u Saleja 5 bambardzirskich bałaŭ (0+5) u 19 matčach, kaeficyjent karysnaści+3, siaredni čas znachodžańnia na placoŭcy 18:30.

«Taronta» Michaiła Hraboŭskaha siońnia nočču nie hulaŭ. U Michaiła na siońnia, jak i ŭ Andreja Kaścicyna, — 16 bambardzirskich bałaŭ (5+11), kaeficyjent karysnaści +4, siaredni čas na placoŭcy 18:06.

0

0

0

0

0

0

nn.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH