Vydańnie na biełaruskaj, rasijskaj, ukrainskaj i anhlijskaj movach prałabiravaŭ ministr Łatuška.
.JPG.webp)
Vydańnie prałabiravaŭ ministr Łatuška.
Vydańniem zajmaŭsia Uładzimir Hilep.
«Dzikaje palavańnie karala Stacha» vyjšła na čatyroch movach.
Pražskaje vydańnie apovieści.
Ryžskaje vydańnie.
Bierlinskaje vydańnie.
Vilenskaje vydańnie.
«Dzikaje palavańnie karala Stacha» vyjšła na biełaruskaj, rasijskaj, ukrainskaj i anhlijskaj movach pad adnoj vokładkaj. Jaho prezientacyja prajšła 25 listapada ŭ Nacyjanalnaj biblijatecy Biełarusi.
Ź idejaj vydańnia vystupiŭ ministr kultury Pavieł Łatuška. Jon i źviarnuŭsia z prapanovaj da staršyni Biełaruskaha fondu kultury Uładzimira Hilepa dva miesiacy nazad. U Biełarusi, praŭda, za vydańnie falijanta nie ŭziałasia nivodnaja drukarnia. Nichto nie moh vypuścić knihu u taki karotki termin.
Kniha vyjšła nakładam 3000 asobnikaŭ u Polščy. Dla vydańnia znajšoŭsia sponsar, imia jakoha vyrašyli nie ahučvać.
«Vydajučy mienavita «Dzikaje palavańnie karala Stacha», vystralili ŭ dziasiatku, — adznačyŭ prafiesar Adam Maldzis. — Najlepšym tvoram Uładzimira Karatkieviča ličycca «Chrystos pryziamliŭsia ŭ Harodni». Biezumoŭna, znakavy tvor dla biełaruskaj litaratury — «Kałasy pad siarpom tvaim». Ale ž jon nie zakončany. «Dzikaje palavańnie karala Stacha» — najbolš ramantyčny tvor u Karatkieviča».
Ministr kultury paviedamiŭ, što
pieršy asobnik hetaha vydańnia byŭ pieradadzieny Alaksandru Łukašenku. Taksama knihu atrymali Siarhiej Sidorski, Uładzimir Makiej, Siarhiej Martynaŭ, Siarhiej Łaŭroŭ.
Pavieł Łatuška skazaŭ, što vychad takoj knihi staŭ adnym ź mierapryjemstvaŭ pa śviatkavańni jubileju piśmieńnika. Pa jaho słovach, užo adlita bronzavaja skulptura Uładzimira Karatkieviča, jakuju ŭstalujuć va ŭkrainskaj stalicy. «Zastalisia tolki techničnyja momanty z meryjaj Kijeva, kab uparadkavać miesca, dzie heta adbudziecca. Ale heta ŭžo adbudziecca. I ja ŭ hetym pierakanany».
Čakajecca, što praz pasrednictva Ministerstva zamiežnych spraŭ Biełarusi «Dzikaje palavańnie karala Stacha» na čatyroch movach prezientujuć u Vilni, Maskvie, Łondanie i inšych stalicach.
