U Minsku pjany kiroŭca źbiŭ piešachoda na pierachodzie +fota 10

57-hadovy minčanin zahinuŭ pad kołami «Piežo-405», jakim kiravaŭ pjany kiroŭca, na vulicy Kazinca.

Fota onliner.by

Jak paviedamili va ŭpraŭleńni DAI HUUS Minharvykankama, avaryja zdaryłasia 25 listapada pryblizna ŭ 14.40. 28-hadovy kiroŭca, u kryvi jakoha było vyjaŭlena 2,95 pramile ałkaholu, źbiŭ piešachoda na nierehulavanym pierachodzie nasuprać prypynku hramadskaha transpartu «Ručaj».

Pa słovach kiroŭcy, jon jechaŭ pa krajniaj pravaj pałasie, nie paśpieŭ zatarmazić i ździejśniŭ najezd. Mužčyna pryznaŭ, što vypiŭ za hadzinu da avaryi plašku vina (na miedaśviedčańni vyśvietliłasia, što ŭ jaho kryvi 2,95 pramile ałkaholu). Jechaŭ dadomu ŭ Kaladzičy, a pajechaŭ praz horad, bo «na kalcavoj zatory».

Supracoŭniki DAI raskazali, što padčas tłumačeńniaŭ kiroŭca raspłakaŭsia i zajaviŭ: «Lepš by mianie pasadzili».

Budzie zaviedziena kryminalnaja sprava. Viadziecca rasśledavańnie.

0

0

0

0

0

0

Pavodle BiełaPAN i onliner.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH