30 listapada Uładzimir Niaklajeŭ naviedaje Viciebskuju vobłaść, Jarasłaŭ Ramančuk — Mahiloŭ, Vital Rymašeŭski palacić u Brusiel, Andrej Sańnikaŭ rychtujecca da vystupleńnia na telebačańni 1 śniežnia,
paviedamili ŭ štabach kandydataŭ u prezidenty.
Niaklajeŭ naviedaje Połack, dzie ŭ 15.15 uskładzie kvietki da pomnika Francysku Skarynu. Z 16.00 da 18.00 u jaho zapłanavana sustreča z vybarščykami horada (DK "Škłovałakno"). Paśla hetaha Niaklajeŭ pajedzie ŭ Navapołack, dzie praviadzie sustreču z vybarščykami z 19.00 da 21.00 (AAT "Naftan").
Ramančuk maje namier naviedać Mahiloŭ. Asnoŭnaja sustreča z vybarščykami ŭ jaho budzie z 18.00 da 20.30 u Architekturna-budaŭničym kaledžy. Pierad hetym Ramančuk naviedaje šerah abjektaŭ horada: 10.00—11.30 — rynak "Bychaŭski", 11.30—13.00 — rynak "Vilenski", 13.00—14.00 — Mahiloŭski dziaržaŭny ŭniviersitet, 15.00—16.00 — prachadnaja VA "Mahiloŭchimvałakno", 16.30—17.30 — placoŭka kala centralnaha Doma bytu.
Sańnikaŭ sustreč z vybarščykami nie płanuje. Jon praviadzie šerah pieramoŭ u vuzkim kole i budzie rychtavacca da vystupleńnia na telebačańni, jakoje pavinna adbycca 1 śniežnia.
Rymašeŭski zapiša vystupleńnie na radyjo, paśla čaho maje namier vylecieć u Brusiel, dzie ŭ jaho zapłanavany šerah sustreč z zamiežnymi partniorami. Varta zaznačyć, što 30 listapada Centrvybarkam pavinien razhledzieć u dačynieńni da jaho pytańnie ab sankcyjach za praviadzieńnie ŭ centry Minska sustrečy z vybarščykami 24 listapada na Kastryčnickaj płoščy. Samoha Rymašeŭskaha na razhladzie nie budzie — jaho intaresy pradstaviać kiraŭnik vybarčaha štaba Pavieł Sieviaryniec i davieranaja asoba kandydata ŭ CVK z pravam daradčaha hołasu Taćciana Šapućka.
Pa TV siońnia vystupiać Dźmitryj Us (19:00) i Mikałaj Statkievič (19:30).
