Siońnia ŭ dziaržaŭnych srodkach masavaj infarmacyi nadrukavana pieradvybarčaja prahrama kandydata ŭ prezidenty ad Partyi BNF Ryhora Kastusiova.
"Svaboda i adkaznaść. Ekanamičny rost. Niezaležnaść i Jeŭraatłantyčny vybar"
Ryhor Kastusioŭ i Partyja BNF iduć na prezidenckija vybary, kab abaranić karennyja intaresy biełaruskaha narodu. Partyja BNF — starejšaja palityčnaja siła Biełarusi, jakaja zaŭsiody kiravałasia nacyjanalnymi intaresami.
Nacyjanalnyja intaresy vyšej za ŭsio — voś naš pryncyp.
Na pasadzie prezidenta kandydat ad Partyi BNF Ryhor Kastusioŭ zrobić usio dla realizacyi hetaha pryncypu, zhodna z pałažeńniami dadzienaj prahramy.
Svaboda i adkaznaść
Viartańnie da pryncypu zakonnaści i raździaleńnia ŭładaŭ — pieršačarhovaja zadača. Biełaruś pavinna stać pravavoj dziaržavaj.
Partyja BNF vystupaje za pierachod ad aŭtarytarnaj sistemy prezidenckaha kiravańnia da parłamienckaj respubliki. Kanstytucyjny schod pavinny vyrašyć pytańni pabudovy
Na pierachodny pieryjad demakratyčny kaalicyjny Urad narodnaha davieru budzie sfarmavany
pa pazapartyjnym pryncypie na termin da praviadzieńnia svabodnych vybaraŭ Parłamientu.
Skaračeńnie dziaržaparatu budzie nastupnaj zadačaj. Karupcyja, što apanavała kirujučy režym, — heta rakavaja puchlina, jakaja parazituje na biełaruskaj nacyi. Skidańnie jarma biurakratyi i karupcyi budzie adbyvacca adnačasova sa skasavańniem orhanaŭ palityčnaha pieraśledu i śpiecsłužbaŭ, što absłuhoŭvajuć intaresy isnaj uładnaj hrupoŭki.
Sistema miascovaj ułady budzie refarmavanaja ŭ adpaviednaści z pryncypami Jeŭrapiejskaj Chartyi miascovaha samakiravańnia.
Svaboda presy budzie abaronienaja dziaržavaj. Niezaležnyja ŚMI buduć sapraŭdnaj «čaćviortaj uładaj», jakaja dapamoža źniščyć usie prajavy karupcyi. Budzie skasavanaja dziaržaŭnaja manapolija na telebačańnie i radyjo.
Pierahlad niedemakratyčna pryniataha zakanadaŭstva budzie ździejśnieny nieadkładna. Kamisija pa pravavoj reformie vyznačyć pryjarytetnyja kirunki refarmavańnia. My bačym pieršačarhovymi zadačami stvareńnie zakanadaŭčych harantyjaŭ dla spraviadlivaści niezaležnaj sudovaj sistemy i svabody słova.
Hvałt nad Zakonam z boku aŭtarytarnaha režymu nie pavinny zastacca biez pakarańnia. My nie možam dazvolić zabycca na palityčna matyvavanyja źniknieńni, źbićcio deputataŭ Parłamientu i šmatlikija fakty represij. Usie fakty parušeńnia zakonnaści musiać być rasśledavanyja abjektyŭna. Dziela hetaha budzie stvoranaja kamisija pa lustracyi z šyrokimi paŭnamoctvami i jasnym miechanizmam pieradačy vynikaŭ śledstva ŭ orhany prakuratury i sud.
Ryhor Kastusioŭ stvoryć nacyjanalnuju sistemu abarony pravoŭ čałavieka i spraviadlivaści, jakaja ciapier adsutničaje ŭ Biełarusi. Jana budzie ŭklučać u siabie niezaležny i spraviadlivy sud, upaŭnavažanaha pa pravach čałavieka. Budzie ŭviedzieny maratoryj na śmiarotnaje pakarańnie. Staryja śpiecsłužby buduć skasavanyja, KDB budzie raspuščany, a jahonaja dziejnaść, taksama jak i dziejnaść jahonych papiarednikaŭ, rasśledavanaja Kamisijaj pa lustracyi. Novyja śpiecsłužby buduć stvoranyja z prafiesijanałaŭ, nie zaplamlenych palityčnymi represijami, karupcyjaj i złačynstvami.
Ekanamičny rost
Ryhor Kastusioŭ zrobić usio, kab u vyniku spraviadlivaj ziamielnaj reformy była harantavanaja pryvatnaja ŭłasnaść na ziamlu, što stvoryć haspadarčy padmurak novaj demakratyčnaj Biełarusi.
Buduć stvoranyja volnyja ŭmovy dla raźvićcia małoha i siaredniaha pradprymalnictva, spryjalnyja ŭmovy dla kredytavańnia biznesu praz raźvićcio mikrafinansavańnia, stvareńnie kankurencyi na rynku bankaŭskich pasłuh, u tym liku praz pryciahvańnie zamiežnaha bankaŭskaha kapitału. Hałoŭnaje dla biznesu — stabilnaść praviłaŭ hulni: častyja i biespadstaŭnyja źmieny zakanadaŭstva buduć spynienyja.
Mytnyja pošliny na ŭsie vidy tavaraŭ, jakija nie vyrablajucca na terytoryi Biełarusi, pavinnyja być skasavanyja.
Ekanamičnaja intehracyja ź Jeŭrasajuzam aznačaje dostup našaj pradukcyi na jeŭrapiejskija rynki. Ale pry hetym dla našaj krainy dla zachavańnia kankurentazdolnaści ŭ hłabalnym asiarodździ žyćciova nieabchodnaja madernizacyja ekanomiki. Režym adnaasobnaj ułady jak sastarełaja forma kiravańnia jość vynikam zachavańnia sastarełych formaŭ vytvorčaści. Pryjarytetam u inviestycyjnaj palitycy budzie pryciahnieńnie jeŭrapiejskich srodkaŭ dziela stvareńnia sučasnaj pramysłovaści i novych pracoŭnych miescaŭ.
Pa inicyjatyvie novaha prezidenta budzie stvorany prazrysty i niekarumpavany paradak zaachvočvańnia zamiežnych inviestycyjaŭ.
Uviadzieńnie mocnaj nacyjanalnaj valuty — talera — aryjentyr dlahrašova-finansavaj palityki.
Na bližejšy pieryjad metaj budzie praviadzieńnie piśmiennaj i razvažlivaj
Kankurentazdolnaja ekanomika niemahčymaja biez sučasnaj sistemy adukacyi i navuki. My skasujem usie abmiežavańni na mižnarodnyja kantakty biełaruskich navučalnych ustanovaŭ, budziem zaachvočvać stažyroŭki, abmieny, sumiesnyja prajekty dla pryciahvańnia ŭ krainu sučasnych viedaŭ i technałohijaŭ. Prymusovaje raźmierkavańnie studentaŭ budzie zamieniena na prava vybaru pieršaha miesca pracy. Biełaruś pavinnaja dałučycca da Bałonskaha pracesu i ŭvieści jeŭrapiejskija adukacyjnyja standarty, musić być zabiaśpiečanaje pryznańnie ajčynnych dypłomaŭ u Jeŭropie. Pavinnyja być stvoranyja ŭmovy dla viartańnia ŭ Biełaruś Jeŭrapiejskaha humanitarnaha ŭniviersiteta, jaki ciapier vymušany pracavać
Niezaležnaść i jeŭraatłatyčny vybar
Nacyjanalnyja intaresy, a nie zacikaŭlenaści asobnych hrupovak, pavinny być asnovaj źniešniaj palityki dziaržavy. Biełaruś jość nieadjemnaj častkaj jeŭrapiejskaj cyvilizacyi. Tamu jeŭrapiejski šlach našaj krainy — heta nie pytańnie hieapalityčnaha chistańnia pamiž Maskvoj i Brusielem, a śviadomy i asensavany ŭdzieł u jeŭrapiejskich strukturach u jakaści paŭnapraŭnaha subjekta.
Pierahlad usich mižnarodnych damovaŭ, jakija nie adpaviadajuć nacyjanalnym intaresam, stanie harantyjaj niezaležnaści našaj dziaržavy.
Vychad z Mytnaha sajuzu, Sajuznaj dziaržavy i padobnych utvareńniaŭ parvie łancuhi, što pryviazvajuć Biełaruś da Kramla.
Niezaležnaść krainy nia budzie tryvałaj, kali jana nie zabiaśpiečvajecca kulturnymi čyńnikami. Novaabrany prezident viarnie spradviečnuju nacyjanalnuju simvoliku — Pahoniu i
Enierhietyčnaja niezaležnaść jość nieabchodnaj umovaj palityčnaj niezaležnaści. My vystupajem za raźvićcio jak alternatyŭnaj enierhietyki i enierhaźbierahalnych technałohij, tak i dakazaŭšych svaju efiektyŭnaść jeŭrapiejskich padychodaŭ da raźvićcia atamnaj enierhietyki. Enierhietyčnaje supracoŭnictva ź inšymi dziaržavami musić stać alternatyvaj rasijskamu impieryjalizmu.
Ciapierašniaja demahrafičnaja situacyja pahražaje niezaležnaści i samomu isnavańniu biełaruskaj nacyi. Kožnaja siamja pry ŭziaćci šlubu pavinna atrymlivać hrant u pamiery siaredniaha hadavoha zarobku, jakim zmoža skarystacca pry naradžeńni druhoha dziciaci. Vyrašeńnie demahrafičnaj prablemy niemahčymaje biez umacavańnia siamji. Dziela hetych metaŭ budzie zasnavany Fond budučych pakaleńniaŭ, u jaki buduć pieraviedzienyja srodki z usich prezidenckich fondaŭ i hrošy, atrymanyja praz skasavańnie orhanaŭ palityčnaha pieraśledu.
Dziela ratavańnia biełaruskaj nacyi ad nastupstvaŭ Čarnobylskaj katastrofy budzie rassakrečanaja poŭnaja infarmacyja ab upłyvie jaje nastupstvaŭ na zdaroŭje nacyi; sanitarnyja narmatyvy, datyčnyja radyjacyjnaha zabrudžvańnia, buduć pryviedzienyja da standartaŭ Jeŭrasajuza; budzie palehčanaja pracedura impartu lekaŭ, nieabchodnych dla lačeńnia ankałahičnych zachvorvańniaŭ; uviedzienyja lhoty, jakija b stymulavali dabračynnuju dziejnaść pa arhanizacyi lačeńnia za miažoj i ŭvoz lekaŭ i miedtechniki; zabiaśpiečanaja mahčymaść rehularnych biaspłatnych abśledavańniaŭ dla vyjaŭleńnia rakavych zachvorvańniaŭ siarod dziaciej i padletkaŭ; pavialičanaje finansavańnie adpaviednych miedyčnych ustanovaŭ ź pieranakiravańniem na hetyja mety srodkaŭ, što siońnia vydatkoŭvajucca na finansavańnie ideałahičnaj viertykali.
Budzie pastaŭlenaja zasłona nielehalnaj imihracyi. Miaža z Rasijaj budzie ŭstalavanaja i nadziejna ŭmacavanaja, kab zabiaśpiečvać bieśpieraškodnyja stasunki pamiž dobrasumlennymi hramadzianami, ale abaraniać Biełaruś ad kryminału.
Novy prezident prykładzie ŭsie namahańni dla niaŭchilnaha dałučeńnia Biełarusi da Šenhienskaj prastory. Pry hetym hramadzianie Rasii zmohuć atrymlivać biełaruskija nacyjanalnyja vizy biaspłatna.
Arhanizacyja Paŭnočnaatłantyčnaj Damovy pavinna stać harantam niezaležnaści našaj krainy, što patrabuje dałučeńnia Biełarusi da palityčnych, a ŭ pierśpiektyvie — i da vajskovych elemientaŭ jeŭraatłantyčnaj sistemy biaśpieki. Pierahlad
Dałučeńnie Respubliki Biełaruś da Jeŭrapiejskaha Sajuzu musić być aryjentyram biełaruskaj źniešniaj palityki. Ale hetaje dałučeńnie mahčyma tolki na ŭmovach, jakija buduć vyhodnyja biełaruskamu narodu i adpaviadajuć intaresam biełaruskaj dziaržavy. My nie zhodnyja pazbavicca kulturnaj admietnaści dziela karotkačasovych haspadarčych pieravahaŭ.
Šanoŭnyja siabry i adnadumcy!
Dla ŭsich nas Biełaruś jość adzinaj i niepaŭtornaj Baćkaŭščynaj. Našaja ahulnaja budučynia nieparyŭna źviazanaja ź losam biełaruskaj nacyi. Razam my zdolnyja damahčysia hodnaha, svabodnaha i niezaležnaha žyćcia na biełaruskaj ziamli. Novy prezident Biełarusi ad Partyi BNF skarystaje ŭsie prezidenckija paŭnamoctvy dla dasiahnieńnia hetaj mety.
Kali Vy padtrymlivajecie hetuju prahramu — hałasujcie za Ryhora Kastusiova i achviarujcie srodki dla ahitacyi na rachunak 3014000000379 u AAT «ASB Biełarusbank» kod 795.
