30 listapada prachodzić čarhovaje pasiadžeńnie Centravybarkamu. Pieršym pytańniem na paviestcy dnia stajaŭ udzieł Vitala Rymašeŭskaha i Mikoły Statkieviča ŭ vuličnaj akcyi 24 listapada.
U CVK ličać, što kandydaty tym samym parušyli vybarčaje zakanadaŭstva, bo pravodzić mierapryjemstvy na Kastryčnickaj płoščy zabaroniena.
Sakratar CVK Mikałaj Łazavik asabista naviedaŭ akcyju. Kaža, što akcyja jamu spadabałasia.
«Było dobraje nadvorje mała ludziej», — skazaŭ Łazavik. Na jahonaje mierkavańnie, ludziej nie było i tysiačy.
Jak pakarańnie dla Rymašeŭskaha Łazavik prapanavaŭ papiaredžańnie.
A voś dla Statkieviča «padrychtavanaje bolš surovaje pakarańnie» — «nijak nie abmiarkoŭvać jahonuju asobu i ŭdzieł u akcyi, kab adniać areał zmahara».
Toje samaje i z Uładzimiram Niaklajevym. «Nibyta kandydata Niaklajeva tam nie było, a byŭ hramadzianin Niaklajeŭ. Toje samaje, jak było z emihracyjaj. Nibyta jon tam byŭ, ale ŭvieś čas žyŭ u Biełarusi», — skazaŭ Łazavik.
Na dumku sakratara CVK, akcyja prajšła mirna. A pakolki achviaraŭ nie było, to možna pakarać i mienš stroha.
Pavieł Sieviaryniec, davieranaja asoba Rymašeŭskaha, skazaŭ, što akcyja była prymierkavanaja da čarhovaj hadaviny refierendumu 1996 hoda. Jon prapanavaŭ źniać usie abmiežavańni pa placoŭkach dla praviadzieńnia vybarčych akcyj.
Jaho padtrymaŭ siabra kamisii Jury Chadyka. Taćciana Proćka zaznačyła, što takija prablemy jość nie tolki ŭ Minsku, ale i ŭ inšych haradach.
Łazavik pryznaŭ, što ŭ niekatorych haradach było sapraŭdy niedastatkova miescaŭ, ale byli pryniatyja miery. Naprykład, u Minsku nielha źbiracca tolki na čatyroch płoščach.
U vyniku siabry CVK prahałasavali za papiaredžańni i Rymašeŭskamu, i Statkieviču. Prapanovu Łazavika nie padtrymali.
Praŭka pa dazvołu akcyj na Kastryčnickaj płoščy taksama nie prajšła.
