Pieradvybarnaja prahrama kandydyta ŭ prezidenty Respubliki Biełaruś Alaksieja Michaleviča
Ekanamičnaja madel, jakuju vypracavała siońniašniaja ŭłada, była prydatnaja dla siaredziny
I. Ekanamičny rostM
Padmurkam raźvitoj i bahataj krainy zaŭsiody była i budzie kankurentazdolnaja haspadarka. Adnak siońnia my stanovimsia śviedkami taho, što naša ekanomika nie daje rady z suśvietnymi i rehijanalnymi źmienami, a šmatlikaja biurakratyja, niedaskanałyja zakony, zabłytanaja sistema padatkaŭ i centralizavanaja ŭłada zaminajuć raźvićciu Biełarusi. Pakolki samym nadziejnym pakazčykam palapšeńnia žyćcia hramadzian źjaŭlajecca pavyšeńnie ich dachodaŭ, to pieršaja meta majoj prahramy — heta zabieśpiačeńnie ekanamičnaha rostu.
Ja vystupaju ZA:
stvareńnie prazrystych i zrazumiełych zakonaŭ, jakija dapamohuć pryciahnuć u našu krainu zamiežnyja inviestycyi i technałohii;
achovu pryvatnaj ułasnaści i pavyšeńnie ŭzroŭniu ekanamičnych svabod;
aptymizacyju padatkaŭ i šyrokuju padtrymku małoha i siaredniaha biźniesu;
admienu cenavaj rehulacyi na kamiercyjnyja tavary i pasłuhi;
adłučeńnie biźniesu ad struktur ułady i śpiecsłužbaŭ;
madernizacyju horadaŭtvaralnych pradprymstvaŭ biełaruskaj pramysłovaści;
raźvićcio infrastruktury i vysokatechnałahičnaj vytvorčaści;
ukaranieńnie novych mietadaŭ kiravańnia i zbytu;
aptymizacyju pracedur adkryćcia i zakryćcia biźniesu, licenzavańnia, siertyfikacyi i finansavaj spravazdačnaści;
raźvićcio kamiercyjnych bankaŭ i dastupnych formaŭ kredytavańnia;
amnistyju maksimalna mahčymaj kolkaści biełarusaŭ, jakija apynulisia ŭ turmach z pryčyny ich uciahnutaści ŭ ekanamičnuju dziejnaść;
praviadzieńnie ziamielnaj reformy i dziaržaŭnuju padtrymku fiermierskich haspadarak;
dyviersifikacyju pastaŭščykoŭ elektraenierhii i pryrodnych resursaŭ;
bolšuju niezaležnaść Nacyjanalnaha banka i ŭzmacnieńnie biełaruskaj valuty;
aktyvizacyju ipatečnaha kredytavańnia;
raźvićcio elektronnaj kamiercyi, strachavych pasłuh i
usiebiełaruskuju infarmatyzacyju i prahramu azdaraŭleńnia publičnych finansaŭ;
stvareńnie Ahienctva finansavaha raźvićcia, jakoje budzie zajmacca ŭskosnym datavańniem biełaruskich dziaržpradpryjemstvaŭ;
stvareńnie ŭmoŭ dla ŭklučeńnia šyrokich słajoŭ nasielnictva ŭ praces akcyjanavańnia biełaruskaj ekanomiki pasrodkam piensijnych i strachavych fondaŭ;
realizacyju nacyjanalnaj prahramy «Start», nakiravanaj na padtrymku pačynajučych pradprymalnikaŭ i kanviejerny zapusk novych biźniesaŭ;
stvareńnie
stvareńnie naftahazavaha Kansorcyŭma ŭ składzie Biełarusi, Ukrainy, Jeŭrasajuza i Rasii, jaki budzie zajmacca pytańniami tranzitu enierhanośbitaŭ u Jeŭropu.
Kab paśpiachova abaraniać biełaruskija pazicyi na mižnarodnych rynkach, biełaruskim subjektam haspadarańnia treba dapamahčy ŭ spravie zasvajeńnia «zakonaŭ» efiektyŭnaha prasoŭvańnia tavaraŭ i pasłuh. Markietynh, RR i rekłama mohuć stać klučom da stvareńnia pryvabnaha imidžu našaj respubliki daloka za jaje miežami.
Uzajemadziejańnie dziaržavy, navuki i biźniesu musić stać krynicaj technałahičnaha praryvu Biełarusi. Ja vieru ŭ budučyniu navukovych parkaŭ, aktyŭnaje supracoŭnictva navukovych ustanoŭ ź biźniesam i realizacyju pry finansavaj padtrymcy dziaržavy novych pierśpiektyŭnych patentaŭ.
II. Efiektyŭnaja dziaržava
Dziaržava — heta miechanizm, jaki pavinien spraŭna vykonvać zadačy, dla jakich jon byŭ stvorany, nie abmiažoŭvajučy bieź pilnaj patreby svabody svaich hramadzian. Pryčym zabieśpiačeńnie haspadarčaha i technałahičnaha liderstva ŭ našym rehijonie palahaje nie stolki ŭ vynachodstvie reformaŭ, kolki ŭ jakaści dziaržaŭnych instytutaŭ, jakija buduć ažyćciaŭlać hetyja reformy.
Ja vystupaju ZA:
niezaležnaść sudoŭ i ŭviadzieńnie pryncypu vybarnaści biełaruskich sudździaŭ;
uzmacnieńnie roli parłamienta i Kanstytucyjnaha suda, padparadkavańnie Hienieralnaj prakuratury Nacyjanalnamu schodu;
reformu vybarčaha zakanadaŭstva;
viartańnie da kanstytucyjnaj normy, pavodle jakoj adna asoba nie moža być prezidentam bolš za dva terminy;
abrańnie kiraŭnikoŭ abłaściej i meraŭ haradoŭ žycharami hetych rehijonaŭ;
svabodu słova i raźvićcio kamiercyjnych telekanałaŭ, radyjostancyj i haziet;
likvidacyju ŭsich upraŭleńniaŭ i adździełaŭ pa ideałohii i pastupovuju pryvatyzacyju dziaržaŭnych ŚMI;
pavyšeńnie statusu vajennasłužačych;
zachavańnie daktryny, jakaja hruntujecca na vajennym niejtralitecie Biełarusi (pry hetym biełaruskaje vojska dziela padtrymańnia svajoj bojazdolnaści pavinna pravodzić sumiesnyja vučeńni jak z Rasijaj, tak i z NATO);
piensijnuju reformu i stvareńnie nakaplalnaj sistemy ź piersanalnymi piensijnymi rachunkami;
kankurencyju pryvatnych piensijnych fondaŭ pry zachavańni dziaržaŭnych sacyjalnych piensij;
ustanaŭleńnie hramadskaha kantrolu nad pracaj pravaachoŭnych orhanaŭ;
ukaranieńnie pryncypu konkursnaha pryjomu na dziaržaŭnuju słužbu i spraščeńnie viertykali na karyść miascovych orhanaŭ samakiravańnia;
aktyvizacyja palityčnych adnosin, jakija majuć na mecie dostup da zachodnich rynkaŭ, technałohij, inviestycyj i abaronu intaresaŭ biełaruskich firmaŭ za miažoj;
uzajemavyhadnyja siabroŭskija dačynieńni z Rasijaj i krainami SND, stratehičnaje partniorstva ź Jeŭrapiejskim Sajuzam i Ukrainaj;
uklučeńnie krainy ŭ mižnarodnuju
panižeńnie koštu šenhienskich viz dla biełaruskich hramadzian i ŭ pierśpiektyvie ŭviadzieńnie biaźvizavaha režymu ź Jeŭrasajuzam;
pryciahnieńnie pryvatnych fundataraŭ dla madernizacyi
zabieśpiačeńnie prazrystaści i spraviadlivaści ŭ sistemie kamunalnych taryfaŭ.
Achova navakolnaha asiarodździa musić stać imidžaŭtvaralnym elemientam biełaruskaj palityki.
Ja pierakanany, što budaŭnictva ŭłasnaj AES nijakim čynam nie ŭpisvajecca ŭ kancepcyju stvareńnia imidžu «Krainy błakitnych azior pad biełymi kryłami».
Bolš taho, patencyjnaja ekanamičnaja efiektyŭnaść stancyi padajecca vielmi sumniŭnaj. Biełarusi pa siłach stać adnym z centraŭ zialonaha ruchu ŭ Jeŭropie i śviecie, krainaj, jakaja vystupaje inicyjataram abarony pryrody, ekałahična čystych praduktaŭ charčavańnia i raźvitoj miedycyny, pryrodaachoŭnych technałohij i racyjanalnaha vykarystańnia vodnych resursaŭ. Humannaść biełaruskaj dziaržavy pavinna vykazvacca ŭ staŭleńni da žyvioł. Nieabchodna admovicca ad źniščeńnia biesprytulnych žyvioł i stvaryć dla ich sistemu prytułkaŭ.
III. Aktyŭnaje hramadstva
Asnova dabrabytu Biełarusi — heta My, naš intelekt, vola, inicyjatyva, naša samastojnaść i aktyŭnaja pazicyja. Nazapašvańnie sacyjalnaha kapitału, jakim źjaŭlajecca aktyŭnaje i samadziejnaje hramadstva, stanie załoham vychadu našaj krainy na novyja cyvilizacyjnyja dalahlady.
Ja vystupaju ZA:
decentralizacyju palityčnaj i ekanamičnaj ułady na karyść rehijonaŭ;
padzieł šaści isnujučych ciapier abłaściej na 17administracyjna-terytaryjalnych adzinak — pavietaŭ — z nastupnymi administracyjnymi centrami:
Brest, Pinsk, Mazyr, Homiel, Hrodna, Baranavičy, Słuck, Babrujsk, Lida, Maładziečna, Barysaŭ, Mahiloŭ, Kryčaŭ, Hłybokaje, Połack, Viciebsk, Orša; a taksama asobnuju
admienu kantraktnaj sistemy i ŭdaskanaleńnie zakanadaŭčaj bazy, pryzvanaj abaranić pravy pracaŭnikoŭ pryvatnaha i dziaržaŭnaha siektara, svabodu dziejnaści prafsajuzaŭ;
adaptacyju sistemy vyšejšaj adukacyi da patreb rynka, pavyšeńnie sacyjalnaha statusu nastaŭnika i pabudova ekanomiki, zasnavanaj na viedach i inavacyjach;
skasavańnie prymusovaha raźmierkavańnia vypusknikoŭ VNU;
intehracyju Biełarusi ŭ jeŭrapiejskuju sistemu adukacyi i ŭzajemnaje pryznańnie dypłomaŭ i adukacyjnych standartaŭ;
uviadzieńnie padatkovych ilhot dla firmaŭ, jakija inviestujuć u pavyšeńnie viedaŭ i kvalifikacyi svaich supracoŭnikaŭ;
dynamičnaje raźvićcio kamiercyjnych VNU i dastupnych formaŭ studenckaha kredytavańnia;
sacyjalnuju intehracyju pradstaŭnikoŭ uraźlivych hrup nasielnictva, pabudova hramadstva roŭnych mahčymaściaŭ;
raźvićcio roznych formaŭ miedycynskaha strachavańnia;
roŭnyja pravy dla relihijnych kanfiesij, jakija tradycyjna byli pradstaŭlenyja ŭ Biełarusi (siudy metazhodna adnieści i pratestantaŭ), i partniorstva dziaržavy i relihijnych arhanizacyj u śfierach, dzie takoje supracoŭnictva nie supiarečyć pastułatam śvieckaj dziaržavy;
adnaŭleńnie i raźvićcio biełaruskaj kulturnaj spadčyny;
pašyreńnie ŭžyvańnia biełaruskaj movy praz zabieśpiačeńnie hramadzian infarmacyjaj ab dziejnaści dziaržaŭnych orhanaŭ na biełaruskaj movie.
Nadzvyčaj važnaj umovaj dla zachavańnia biełaruskaj identyčnaści źjaŭlajecca supracoŭnictva ź biełaruskaj dyjasparaj, pieršym čynam u Rasii, ZŠA i krainach ES. Uviadzieńnie «karty Biełarusa» moža stać surjoznym krokam da abarony prava spadčynnych biełarusaŭ viarnucca na histaryčnuju radzimu. Nam taksama treba raspracavać prahramy adaptacyi mihrantaŭ, jakija pierajechali ŭ Biełaruś z krain byłoha SSSR.
Što tyčycca nacyjanalnych mienšaściaŭ, to jany pavinny mieć u Biełarusi šyrokuju aŭtanomiju i prava zachoŭvać i raźvivać svaje tradycyi, kulturu i movu.
Ja pierakanany, što ekanamičny rost, efiektyŭnaja dziaržava i aktyŭnaje hramadstva ŭ stanie sfarmavać ekanamičny, istytucyjanalny i sacyjalny kapitał našaj krainy, jaki dazvolić Biełarusi pretendavać na rolu cyvilizacyjnaha lidara Uschodniaj Jeŭropy i zabiaśpiečyć jaje hramadzianam hodny ŭzrovień dabrabytu.
Ja vieru ŭ našu Biełaruś i vieru ŭ jaje patencyjał, i sapraŭdy viedaju: U NAS USIO ATRYMAJECCA!
Alaksiej Michalevič