Siońnia kamanda na čale ź Viktaram Hančarenkam, treci hod zapar, adpraviłasia ŭ pryharad Ryma, dzie budzie rychtavacca da apošniaha matča siezona.
U vyjazny skład ŭklučany 19 futbalistaŭ:
Vieramko, Hutar, Ščarbakoŭ, Lichtarovič, Šytaŭ, Sasnoŭski, Jurevič, Paŭłaŭ, Bardačoŭ, Hlebko, Vaładźko, Kancavy, Radźkoŭ, Bresan, Niachajčyk, Alachnovič, D. Baha, Radzivonaŭ, Skavyš.
U śpisie futbalistaŭ adzin pačatkoviec — hałkipier Andrej Ščarbakoŭ (1991), jaki zaklučyŭ kantrakt z kłubam. U dvuch minułych siezonach jon vystupaŭ u dublujučym składzie «Viciebska».
U płanach Viktara Hančarenki — praviadzieńnie kantrolnaha matču z adnym z kłubaŭ sieryi «S». Hety sparynh zapłanavany na 9 śniežnia. A 13 śniežnia BATE pierabiarecca ŭ Ałkmaar, dzie zasiarodzicca vyklučna na hulni z AZ, jakaja projdzie 15 śniežnia.
***
Nahadajem, što ŭ našaj hrupie «Je» BATE i kijeŭskaje «Dynama» daterminova harantavali sabie pucioŭki ŭ 1/16 finału Lihi Jeŭropy. U apošnim tury vyrašycca los pieršaha miesca, što daje vyhody pry losavańni.
Paśla 5 turaŭ: Dynama — 10 punktaŭ (3 pieramohi, 1 ničyja, 1 paraza, roźnica miačoŭ 10–6), BATE — 10 (3, 1, 1, 11–8), AZ — 4 (1, 1,3, 5–10), Šeryf — 4 (1, 1, 3, 5–7).
«Dynama» i AZ znachodziacca vyšej za BATE i «Šeryf» za košt sustrečaŭ asabistych sustrečaŭ.
