Supracoŭniki siłavych strukturaŭ zatrymali kala 15 z 40 ŭdzielnikaŭ akcyi, jakija sprabavali źviarnuć uvahu hramadzkaści na parušeńnie kanstytucyjnych pravoŭ hramadzianaŭ Biełarusi.
Pradstaŭniki inicyjatyvy «Hramadzianin» ustalavali nasuprać budynku Mienharvykankamu «Ścianu hańby» — ščyt z prymacavanymi da jaho dziasiatkami kopijaŭ zajaŭ na praviadzieńnie akcyjaŭ, u jakich było admoŭlena.
Milicyjanty zajavili, što pravodzić pikietavańnie dziaržaŭnaj ustanovy biez dazvołu zabaroniena.
Tady ŭdzielniki, trymajučy ŭ rukach plakaty «Nam zabaranili hučna razmaŭlać», «Nam zabaranili źbiracca bolš za 3 čałavieki», «Nam zabaranili pić kavu», pačali ruchacca pa praspekcie Niezaležnaści ŭ bok Kastryčnickaj płoščy.
Milicyjanty i ludzi ŭ cyvilnym zatrymali častku manifestantaŭ, adnak niekatoryja patrapili dajści da Kastryčnickaj. Na płoščy akcyja i zaviaršyłasia.
0
0
0
0
0
0