ZŠA i EZ nie źbirajucca achviaravać Biełaruśsiu dziela palapšeńnia dačynieńniaŭ z Rasiejaj.
Heta vynikaje sa spravazdačy ambasady ZŠA ŭ Stakholmie ab naradzie pamočnika dziaržsakratara ZŠA ŭ Eŭrapiejskich i Eŭraazijackich pytańniach Filipa Hordana z pradstaŭnikami Eŭraźviazu. Tekst dakumentu abnarodavaŭ vykryvalnicki partał WikiLeaks.
Zhadanaja sustreča adbyłasia ŭ lipieni 2009, praź niekalki dzion paśla samitu prezydentaŭ ZŠA Baraka Abamy i Rasiei Dźmitryja Miadźviedzieva ŭ Pieciarburzie. U chodzie narady ŭ Stakholmie Filip Hordan painfarmavaŭ svaich eŭrapiejskich kalehaŭ ab tym, jakim čynam raspačataja
U pryvatnaści dyplamat patłumačyŭ, što Vašynhton imkniecca da palapšeńnia dačynieńniaŭ z Maskvoj, prytrymlivajučysia pry hetym asnoŭnych pryncypaŭ: «nijakich sferaŭ upłyvu, demakratyčnyja krainy majuć prava abirać sabie sajuźnikaŭ i niepryznańnie Abchazii dy Paŭnočnaj Asetyi».
«Rasieja, u svaju čarhu, vypraboŭvaje hatovaść ZŠA da kampramisaŭ pa hetych pytańniach, na jakija my, adnak, nia pojdziem», — cytujucca słovy amerykanskaha dyplamata.
U prykład admovy ZŠA ad sastupak Kramlu pa pryncypovych pytańniach Hordan pryvioŭ pazycyju Vašynhtonu ŭ hruzinskim pytańni.
Prysutny na sustrečy dyrektar adździełu palityčnych dačynieńniaŭ MZS Litvy Ejtvydas Bajarunas adreahavaŭ na heta zaklikam sfarmulavać ahulnuju stratehiju ZŠA i EZ adnosna Hruzii i Biełarusi.
U adkaz Hordan skazaŭ
«my možam interpretavać vyzvaleńnie Zelcera tolki jak demanstracyju zacikaŭlenaści Biełarusi ŭ lepšych stasunkach».Jon dadaŭ, što źbirajecca sam nieŭzabavie naviedać Biełaruś. Nahadajem, pamočnik dziaržsakratara ZŠA Filip Hordan sapraŭdy naviedaŭ Biełaruś u žniŭni 2009 hodu — praź miesiac paśla cytavanaj narady.
U svaju čarhu, palityčny kaardynatar Sakrataryjatu Rady Eŭraźviazu Chelha Šmidt akreśliła bačańnie Bruselu adnosna raźvićcia dačynieńniaŭ ź Biełaruśsiu.
U pryvatnaści, Šmidt paviedamiła, što
biełaruski ministar zamiežnych spraŭ raspavioŭ joj na niefarmalnaj sustrečy krainaŭ ABSE ŭ Korfu (u červieni 2009 hodu — za miesiac da narady ŭ Stakholmie), što «biełarusy pad vielizarnym ciskam pryznajuć Abchaziju i Paŭdniovuju Asetyju».
«Biełaruś — bankrut, — praciahvaje Šmidt, — i, adpaviedna, padvieržanaja ekspluatacyi z boku Rasiei. Eŭraźviaz razhladaje mahčymuju padtrymku (Biełarusi) z boku Eŭrapiejskaha banku rekanstrukcyi i raźvićcia i MVF — u pamiery ad dvuch da troch miljardaŭ dalaraŭ».
«Ja nie lublu Łuku, — padsumavała Šmidt, — ale vyzvaleńnie Zelcera było jaŭna nacelena na toje, kab dasłać peŭny syhnał».