U Kazachstanie inicyjujuć refierendum ab padaŭžeńni paŭnamoctvaŭ Nazarbajeva 5

Hramadskaść Kazachstana prapanuje padoŭžyć paŭnamoctvy pieršaha prezidenta krainy Nursułtana Nazarbajeva da 2020 hoda.

«10 śniežnia my padali zajaŭku ŭ akimat Uść-Kamienahorsk ab praviadzieńni schodu z metaj stvareńnia inicyjatyŭnaj hrupy, jakaja prapanoŭvaje ŭsim kazachstancam padoŭžyć paŭnamoctvy pieršaha prezidenta, Jełbasy, Lidara nacyi da 6 śniežnia 2020 h.», — abviaściŭ rektar Siamipałacinskaha dziaržuniviersiteta Jarłan Sydykaŭ, vystupajučy ŭ čaćvier na schodzie va Uść-Kamienahorsku (administracyjny centr Uschodnie-Kazachstanskaj vobłaści).

Jak paviedamiŭ karespandent «Interfaksa», udzielniki forumu farmujuć inicyjatyŭnuju hrupu pa pytańni praviadzieńnia respublikanskaha refierendumu ab padaŭžeńni paŭnamoctvaŭ dziejnaha prezidenta Kazachstana.

Nazarbajeŭ z 1991 hoda, kali respublika nabyła suvierenitet, niekalki razoŭ pieramahaŭ na adkrytych pramych vybarach kiraŭnika dziaržavy (apošni raz — u śniežni 2005 hoda), u 1995 hodzie jaho prezidenckija paŭnamoctvy byli pradoŭžanyja na respublikanskim refierendumie.

Ciapierašni termin prezidenckich paŭnamoctvaŭ Nazarbajeva zakančvajecca ŭ 2012 hodzie. Miž tym u 2007 hodzie parłamient daŭ jamu jak pieršamu prezidentu krainy prava bałatavacca na najvyšejšy dziaržaŭny post nieabmiežavanuju kolkaść razoŭ. Ciapier termin prezidenckich paŭnamoctvaŭ u Kazachstanie składaje siem hadoŭ, z 2012 hoda jon budzie abmiežavany piaćciu hadami.

Raniej paviedamlałasia, što Nazarbajeŭ hatovy vystavić svaju kandydaturu na prezidenckich vybarach u 2012 hodzie.

0

0

0

0

0

0

gazeta.ru

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH