Supracoŭniki KDB praviali pieratrus u žurnalista «Biełsata» Alesia Barazienki. Ich raźjušyła žartaŭlivaja raściažka.

U kvatery žurnalista niezaležnaha telekanała «Biełsat» prajšoŭ pieratrus. Jak paviedamiŭ «Našaj Nivie» pradstaŭnik telekanała Michaś Jančuk, supracoŭniki KDB źjavilisia da Alesia Barazienki, a 6-j ranicy. Vobšuk išoŭ da 7.30. Byŭ kanfiskavany asabisty noŭtbuk žurnalista, a taksama transparant «Dzie mama Koli?»

Momant vymańnia transparanta kadebisty źniali na videa.
Barazienku zabrali na dopyt u śledčy kamitet MUS (vuł. Sapioraŭ, 7). Damoŭ jon ź jaho nie pryjechaŭ. Dasłaŭ sms-paviedamleńnie: «Mianie biaruć, patrebny advakat».

Paśla dopytu Alesia Barazienku adpuścili. Ź jaho ŭziali padpisku ab nierazhałošvańni. Advakata na dopyt tak i nie dapuścili. Arhumientavali heta tym, što Barazienka prachodzić jak śviedka, tamu advakat nibyta nie patrebny.

U žurnalista kanfiskavanyja ŭsie nośbity infarmacyi, u tym liku noŭtbuk. U chacie zastaŭsia harmidar.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?