Vyjezd u słužbovyja kamandziroŭki za miažu kiraŭnikoŭ arhanizacyj, raźmieščanych na terytoryi Hrodzienskaj vobłaści, niezaležna ad viedamasnaj padparadkavanaści i formy ŭłasnaści, zaraz buduć ažyćciaŭlacca z dazvołu staršyni Hrodzienskaha abłvykankama. Adpaviednaje rasparadžeńnie padpisaŭ staršynia Hrodzienskaha abłvykankama Siamion Šapira.
Fota «Haziety Słonimskaj».
U raźmieščanym na sajcie Hrodzienskaha abłvykankama rasparadžeńni № 227r havorycca, što jano pryniata «ŭ metach zabieśpiačeńnia stabilnaj pracy arhanizacyj, raźmiešanych na terytoryi Hrodzienskaj vobłaści».
Zhodna z rasparadžeńniem, «dla atrymańnia dazvołu staršyni abłvykankama padajecca list z ukazańniem źviestak pra dziaržavu i terminy kamandziroŭki, metu i krynicy finansavańnia kamandziroŭki».
Aprača taho, «pa vynikach słužbovaj kamandziroŭki za miažu kiraŭnikom arhanizacyi ŭ
Kamitetu ekanomiki abłvykankama daručana zabiaśpiečyć kantrol za vykanańniem hetaha rasparadžeńnia.
Staršynia abłvykankama taksama daručyŭ kamitetu zabiaśpiečyć «analiz ekanamičnaj efiektyŭnaści słužbovych kamandzirovak za miažu, vyvučeńnie pierśpiektyŭnych kirunkaŭ ekanamičnaha supracoŭnictva».
Cikava, jak na toje zreahujuć zamiežnyja inviestary.
