Pavažanaja redakcyja «Našaj Nivy», vielizarny vam dziakuj za toje, što vy siońnia źjaŭlajeciesia dla nas aknom u śviet.Pry siońniašnim bahaćci dziaržSMI, jakija adstojvajuć chłuślivuju ideałohiju, źnikaje žadańnie nie toje što žyć, a navat isnavać. I kali b siońnia nie było sajtaŭ, jakija paviedamlajuć pra realnuju situacyju ŭ krainie i śviecie, ja b užo abo źjechaŭ, abo pamior by. A tak jak ja viedaju praŭdu dziakujučy vam, ja hatovy žyć, kab zmahacca dalej. I žyvu ŭ čakańni novaj Płoščy, paralelna pravodziačy siarod svaich kalehaŭ, siabroŭ, adnadumcaŭ, svajakoŭ pracu pa padtrymańni stojkaści duchu i viery ŭ zbavieńnie rodnaj Biełarusi ad dyktatury.
Tolki voś mianie turbuje adzin momant. U kamientarach ja
baču, što ludzi pačynajuć nie prosta krytyčna, a navat ź nianaviściu stavicca da Pravasłaŭnaj carkvy. Ja sam źjaŭlajusia pravasłaŭnym «ucarkoŭlenym» chryścijaninam (kažučy sučasnaj movaj, aktyvist adnaho z chramaŭ). Znajomy asabista sa šmatlikimi śviatarami i jepiskapami. I chaču zajavić, što sapraŭdy pravasłaŭnyja chryścijanie zaŭsiody stajali na baku praŭdy, bo, jak skazana ŭ Jevanhielli, «vaš baćka — djabał, i vy chočacie vykonvać prychamać baćki vašaha. Jon byŭ dušahub ad pačatku i nie ŭstojaŭ u iścinie, bo niama ŭ im iściny. Kali kaža jon niapraŭdu, kaža svajo, bo jon ašukaniec i baćka niapraŭdy…».My da apošniaha dnia imkniemsia zachavać našych bratoŭ i siaścior u nadziei nastavić ich na rozum, bo my adna siamja. My molimsia i sprabujem nastavić hetych ludziej.Nie varta sudzić carkvu, kali ŭ joj jość abłudnyja aviečki (navat kali i ŭ sanie).
Paviercie, na płoščy było šmat pravasłaŭnych (i nie tolki pravasłaŭnych) sapraŭdnych chryścijan, jakija pryjšli za praŭdaj. Asabista ja tudy adpraviŭsia adzin, ale voś cud: u šmattysiačnym mitynhu mianie znajšli maje siabry z chrama, paśla čaho nas užo nichto nie zmoh by pierakanać, što sam Chrystos nas usich vyvieŭ 19 śniežnia na płošču, byŭ tam z nami ŭsimi, zastajecca ciapier i budzie viečna.
U padtrymku svajoj rodnaj carkvy chaču padzialicca tvoram vialikaha pastyra Alaksandra Šmiemana na temu Rastva Chrysta. Jaho propaviedź vyrazna adlustroŭvaje siońniašniuju situacyju ŭ našaj krainie, niahledziačy na toje, što była napisanaja bolš za 30 hadoŭ tamu. Ź luboŭju i pavahaj, dziakuju za ŭvahu.
Z Rastvom Chrystovym! Vierym, možam, pieramožam!
Amiń. Ad Redaktara. Dziakuj Vam za dobryja słovy i za spasyłku. Nie zvažajcie na hałasy nianaviści. Nianaviść biasplonnaja, i sydzie, jak vada ŭ piasok.
