Rasiejskaja kampanija «Trasnafta» pačała 21 studzienia pastaŭki nafty, jakaja dahetul pryznačałasia dla Biełarusi, alternatyŭnym pakupnikam praz marskija porty.Jak paviedamiŭ presavy sakratar rasiejskaha apieratara naftapravodaŭ Ihar Dziomin, takoje rašeńnie pryniata paśla taho, jak
pieramovy premjeraŭ Biełarusi i Rasiei pa canie na naftu skončylisia biezvynikova.
«U studzieni my pieranakiravali našy płyni na Hdańsk, Prymorsk i Novarasijsk. Abjomy dosyć vialikija, kala 1,5 miljona ton u miesiac», — zaŭvažyŭ pradstaŭnik «Transnafty», pieradaje Reuters.
U vyniku sprečak pa canie nafty pamiž Biełaruśsiu i Rasiejaj kampanija musiła zapampoŭvać bolš syraviny ŭ schoviščy na terytoryi RF, adnak ciapier nadyšoŭ čas ich vyzvalać. «U nas ciapier utvarylisia dosyć vialikija abjomy nafty ŭ schoviščach, ale pakolki baki nie damovilisia, my hetuju syravinu pradamo», — skazaŭ spadar Dziomin.
0
0
0
0
0
0
