Rasijski chołdynh «Akron» paprasiŭ prem'paviedamlaje hazieta «Viedomosti».jer-ministra Uładzimira Pucina zabaranić źlićcio «Urałkalija» i «Silvinita»,
Pavodle dadzienych vydańnia, prezident «Akrona» Ivan Antonaŭ nakiravaŭ Pucinu 20 studzienia dva listy, u jakich prosić zabaranić pahadnieńnie «Urałkalija» i «Silvinita» ŭ luboj formie, a taksama daručyć Fiederalnaj antymanapolnaj słužbie (FAS) admović «Urałkaliju» ŭ chadajnictvie pra dałučeńnie «Silvinita».
Źlićcio «Urałkalija» i «Silvinita» rychtavałasia ź siaredziny 2010 hoda. Ideja abjadnać kampanii naležyć sienataru ad Dahiestana Sulejmanu Kierymavu, jaki ŭ červieni razam z partniorami vykupiŭ kantrol nad «Urałkalijem» u Dźmitryja Rybałoŭleva.
Ab źlićci «Urałkalija» i «Silvinita» było abvieščana ŭ śniežni 2010 hoda, a dva tydni tamu pahadnieńnie ŭchvalili i ich akcyjaniery. U vyniku abjadnańnia budzie stvoranaja kampanija z rynkavaj kapitalizacyjaj u 24 miljardy dalaraŭ. Kierymaŭ paśla źlićcia atrymaje 16,1% akcyj novaj kampanii, doli jaho partnioraŭ pa biznesie nie ŭdakładniajucca.
FAS rašeńnia ab pahadnieńni jašče nie vynies, padoŭžyŭšy ŭ kancy studzienia termin razhladu chadajnictva «Urałkalija» na dva miesiacy.«Akron» (vałodaje 8% hałasavalnych akcyj «Silvinita») staŭ adzinym, chto publična krytykavaŭ hetuju ŭhodu i navat pasprabavaŭ asprečyć jaje ŭ sudzie.
U pryvatnaści, Antonaŭ niezadavoleny tym, što «Silvinit» byŭ acenieny ŭ 7,7 młrd dalaraŭ, a «Urałkalij» — u 13,8 młrd dalaraŭ. Na jaho dumku, acenka była praviedzienaja z parušeńniami, što pryviało da straty akcyjanierami «Silvinita» pałovy realnaha koštu akcyjaniernaha kapitału. Akramia taho, Antonaŭ ličyć niebiaśpiečnym manapalizacyju vytvorčaści chłorystaha kaliju.
