Pasiadžeńnie savieta ministraŭ sajuznaj dziaržavy adbudziecca 15 sakavika ŭ Minsku. Pra heta paviedamiŭ premjer-ministr Biełarusi Michaił Miaśnikovič u pałacie pradstaŭnikoŭ.
"Pa našym zaprašeńni 15 sakavika 2011 h. ŭ Minsku adbudziecca pasiadžeńnie savieta ministraŭ sajuznaj dziaržavy Biełarusi i Rasii i pasiadžeńnie JeŭrAzES", -- paviedamiŭ Michaił Miaśnikovič.
Pry hetym premjer-ministr nahadaŭ, što ŭrad Biełarusi z raźvićciom mytnaha sajuza i farmiravańniem adzinaj ekanamičnaj prastory źviazvaje asablivyja nadziei. "U płany našaha ŭrada ŭvachodzić stvareńnie z udziełam biełaruskich pradpryjemstvaŭ mahutnych mižnarodnych karparacyj, zdolnych upłyvać na rynki syraviny, prodažaŭ, ŭklučacca ŭ hłabalnyja zbytavyja sietki", -- padkreśliŭ jon.
"Urad Biełarusi budzie iści na intehracyju, i ŭ małočnaj halinie, i ŭ aŭtamabilebudavańni, bijatechnałohijach, chimii, adstojvajučy nacyjanalnyja intaresy", -- skazaŭ kiraŭnik biełaruskaha ŭrada.
Jon nahadaŭ, što ŭžo aktyŭna idzie abmierkavańnie kaapieracyi MAZa i KamAZa, ŭ prapracoŭcy intehracyja pradpryjemstvaŭ mikraelektroniki i inšyja prajekty.